بۇرىنعى ءبىر ورتالىققا باعىنعان مەملەكەتتىك باسپالار مەن پوليگرافيالىق كاسىپورىندار جەكەشەلەندىرىلدى, باسەكەلەستىك ورتاعا بەرىلدى. ءسويتىپ, نارىقتىق ەكونوميكاعا بەت بۇرعان تۇستا كىتاپ پەن باسپا سالاسى قيىن جاعدايلارعا تاپ كەلدى. كىتاپ شىعارۋ كۇرت كەمىدى.
سوڭعى ۋاقىتتاردا ينتەرنەت جىلدام دامىپ كەلە جاتقانىنا قاراماستان, جەر بەتىندەگى ادامداردىڭ كوپ بولىگى, ءالى دە بولسا, سيقىرلى قوبديشاداعى كينودان باس تارتار ەمەس. وعان دالەل ەلىمىزدەگى جىل ساناپ كينوتەاترلار سانىنىڭ ارتۋى. كينو ءتۇسىرۋ سالاسىنا جۇمسالاتىن ينۆەستيتسيالار كولەمى دە جىل سايىن ارتىپ كەلەدى. ۇلتتىق كينەماتوگرافيا ەۋروپا, ازيا جانە امەريكاداعى ونەر ورتالىقتارىنان سەرىكتەستەردى كوپتەپ تابا باستادى. ەلدەگى كينو نارىعىنىڭ اۋقىمى تار جانە جەرگىلىكتى كينوستۋديالار تۇسىرگەن فيلمدەردى جۇرتقا كورسەتۋدەن تۇسەتىن پايدا جالپى كاسسالىق ءتۇسىمنىڭ ون پايىزىنا دا جەتپەيدى. ال رەسەيلىك ديستريبيۋتورلار قازاقستانعا ەكسپورتتاپ وتىرعان گولليۆۋد ستۋديالارىنىڭ فيلمدەرىنەن تۇسەتىن پايدا كاسسالىق ءتۇسىمنىڭ شامامەن جەتپىس پايىزىن قۇرايدى.
وسىعان بايلانىستى, مەملەكەت تاراپىنان كىتاپ شىعارۋ جانە كينووندىرىسى قىزمەتتەرىنە قاتىسى بار سالالاردى دامىتۋ ماسەلەلەرىنە ەرەكشە نازار اۋدارۋ قاجەت, بۇل ۇلكەن قارجىلىق جانە شىعارماشىلىق رەسۋرستاردى تالاپ ەتەدى. وسى سالالاردى دامىتۋ ارقىلى, وتاندىق كىتاپ جانە كينو ونىممەن تولتىرۋعا مۇمكىندىك تۋادى.
قازىرگى ۋاقىتتا ەلىمىزدە قىزمەتتىڭ باسىم تۇرلەرىن جۇزەگە اسىرۋ ءۇشىن 11 ارنايى ەكونوميكالىق ايماق جۇمىس ىستەيدى. ايماقتار قازىرگى زامانعى ونىمدىلىگى جوعارى, باسەكەگە قابىلەتتى وندىرىستەردى جەدەل دامىتۋ, ەكونوميكا سالالارىنا جانە وڭىرلەرگە ينۆەستيتسيالار, جاڭا تەحنولوگيالار تارتۋ, سونداي-اق حالىقتى جۇمىسپەن قامتۋدى ارتتىرۋ ماقساتىندا قۇرىلعان. ايماق قاتىسۋشىلارى ءۇشىن سالىق كودەكسىندە جانە «قازاقستان رەسپۋبليكاسىنداعى ارنايى ەكونوميكالىق ايماقتار تۋرالى» زاڭدا كورپوراتيۆتىك تابىس سالىعىنا, جەر سالىعىنا, م ۇلىك سالىعىنا, قوسىلعان قۇن سالىعىنا قاتىستى جەڭىلدىكتەر كوزدەلگەن.
ءبىز وسى ماسەلەلەردى ەسكەرە وتىرىپ, ۇكىمەتتەن كىتاپ ءوندىرىسى مەن باسپا ءىسى, كينووندىرىس سالالارى بويىنشا وتاندىق كومپانيالاردىڭ ايماق رەجىمىندە جۇمىس ىستەۋ مۇمكىندىگىن قاراستىرۋدى جانە وسى ماسەلەنى نورماتيۆتىك قۇقىقتىق رەتتەۋ جونىندە ءتيىستى شارالار قابىلداۋدى سۇراپ وتىرمىز.
بىرعانىم ءايتىموۆا,
سەنات دەپۋتات
