وبلىس اكىمىنىڭ ورىنباسارى ماديار قوجاحمەت كونفەرەنتسياعا قاتىسۋشىلارعا ايماق باسشىسى قۇمار اقساقالوۆتىڭ قۇتتىقتاۋىن جەتكىزىپ, وتاندىق عىلىمنىڭ دامۋىنا زور ۇلەس قوسقان تۇلعانىڭ زايىبى سارا قوزىباەۆا مەن رەسپۋبليكالىق ۇلتتىق مۋزەي ديرەكتورىنىڭ ورىنباسارى, تاريح عىلىمدارىنىڭ دوكتورى جاكەن تايماعامبەتوۆتى قۇرمەت گراموتامەن ماراپاتتادى.
القالى باس قوسۋدا «الاش» عىلىمي-زەرتتەۋ ورتالىعىنىڭ ديرەكتورى تۇردىعۇل شانباي, ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى الەۋمەتتىك عىلىمدار فاكۋلتەتىنىڭ دەكانى تىلەگەن سادىقوۆ, چەليابى مەملەكەتتىك ۋنيۆەرسيتەتىنىڭ پروفەسسورى, «اركايم» تاريحي-مادەني قورىعى ديرەكتورىنىڭ ورىنباسارى گەننادي زدانوۆيچ, كاۋناس تەحنولوگيالىق ۋنيۆەرسيتەتىنىڭ پروفەسسورى ساۋليۋس نەفاس, تاعى باسقالارى «م. قوزىباەۆ ارحەولوگيا سالاسىنداعى حالىقارالىق ىنتىماقتاستىقتىڭ باستاۋىندا», «اكادەميك ماناش قوزىباەۆ جانە تاريح عىلىمى فيلوسوفياسى», «سولتۇستىك قازاقستان ءوڭىرىنىڭ توپونيميالىق كەڭىستىگىن زەرتتەۋدىڭ تاريحي-گەوگرافيالىق استارلارى», «م. قوزىباەۆ جانە قازاقستانداعى رۋحاني جاڭعىرۋ ماسەلەلەرى», سونداي-اق ەۋرازيالىق كەڭىستىكتەگى قوعامدىق , گۋمانيتارلىق, جاراتىلىستانۋ, تەحنيكالىق, اۋىل شارۋاشىلىق عىلىمدارىنىڭ پروبلەمالارى تۋرالى باياندامالار تىڭدالدى. الەۋمەتتىك جانە ەكونوميكالىق باسەكەگە قابىلەتتى عىلىمنىڭ رولىنە, ەلدەر اراسىنداعى تاريحي بايلانىستار مەن ساباقتاستىققا نازار اۋدارىلدى.
كونفەرەنتسيادا «ماناشتانۋ ماسەلەلەرى» اتتى كوپتومدىق باسىلىمنىڭ ەكى كىتابىنىڭ تانىستىرىلىمى ءوتتى.
«ۋنيۆەرسيتەت جانىندا م. قوزىباەۆ اتىنداعى عىلىمي-زەرتتەۋ ورتالىعى 2015 جىلدان جۇمىس ىستەپ كەلەدى. ونىڭ قىزمەتكەرلەرى, جاس عالىمدار مەن زەرتتەۋشىلەر قازاق تاريحىنىڭ تارلانبوزى جايلى عىلىمي جيناق قۇراستىرىپ شىقتى», دەيدى جەرگىلىكتى عالىم زارقىن تايشىباي.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
