الداعى ۋاقىتتا جەرگىلىكتى پوليتسيا قىزمەتىنىڭ 15 پايىزى باسپانامەن قامتىلماق. وتكەن جىلى جول-پاترۋلدىك پوليتسياسىنىڭ جاس ماماندارىنا جاتاقحانا بەرىلگەن. بۇل كۇندەرى وبلىستىق ىشكى ىستەر دەپارتامەنتىنىڭ جول-پاترۋلدىك پوليتسياسى باتالونى بولىمشەسى ورنالاسقان اۋماقتا 120 پاتەرلى تۇرعىن ءۇي قۇرىلىسى ءجۇرىپ جاتىر.
وكىنىشكە قاراي, وڭىردە ەلىمىزدە قابىلدانعان «7-20-25» باعدارلاماسىن ورىنداۋ بارىسى باياۋ جۇرگىزىلۋدە. ەندى بۇل باستامانى قولداۋعا پوليتسيا قىزمەتكەرلەرى دە قاتىساتىن بولادى.
اۋىلدىق ايماقتاردا ۋچاسكەلىك ينسپەكتورلاردىڭ جەتىسپەۋىنە دە تۇراتىن ءۇيدىڭ جوقتىعى سەبەپ. ىشكى ىستەر دەپارتامەنتىنىڭ وكىلدەرى بۇل ماسەلەنى شتات سانىن ارتتىرۋ ارقىلى قولعا الماقشى.
ۋچاسكەلىك ينسپەكتورلار اۋىلعا اۋىل تۇرعىندارىنىڭ سانىنا بايلانىستى جىبەرىلەدى. ءبىر ينسپەكتور 2800 ادامعا قىزمەت ەتۋى ءتيىس.
فاريدا بىقاي,
«ەگەمەن قازاقستان»
پاۆلودار
