فورۋمدا وبلىستىق قوعامدىق كەڭەستىڭ توراعاسى, وبلىستىڭ قۇرمەتتى ازاماتى جاندار كارىباي ۇلى, قازاقستاننىڭ ەڭبەك ەرى اياگۇل ميرازوۆا, قازاق كۇرەسىنەن حالىقارالىق دارەجەدەگى سپورت شەبەرى, ءۇش دۇركىن قازاقستان بارىسى بەيبىت ىستىباەۆ, «شاۋشەن» شارۋا قوجالىعىنىڭ توراعاسى سايرانباي دونەنباەۆ, بىلىكتى ەكونوميست, مەتسەنات ازاماتحان ءامىرتاي, الماتى قالاسىنداعى «RUMI GROUP» مەيرامحانالار جەلىسىنىڭ نەگىزىن قالاعان كاسىپكەر قۋانىش شوڭباي, قازاقستاننىڭ ەڭبەك ەرى, «قازفوسفات» جشس باس ديرەكتورى مۇقاش ەسكەندىروۆ, تاراز يننوۆاتسيالىق-گۋمانيتارلىق ۋنيۆەرسيتەتىنىڭ رەكتورى ەربولات ساۋرىقوۆ جانە تاعى باسقا دا ازاماتتار تۋعان جەر تۋرالى تەبىرەنە سويلەدى.
ءسوز العان ازاماتتار «تۋعان جەرگە تۋىڭدى تىك!» اكتسياسى اياسىندا اۋليەاتا وڭىرىندە قانداي جۇمىستار اتقارىپ وتىرعانىن اڭگىمەلەدى. جوعارى دەڭگەيدە وتكەن شارا بارىسىندا تۋعان ولكەنىڭ دامۋىنا ەلەۋلى ۇلەس قوسقان بەلسەندى تۇلعالارعا, بيزنەس وكىلدەرىنە جانە ءتۇرلى ۇيىمدارعا «جومارت جۇرەك» سىيلىعى تابىس ەتىلدى. سونداي-اق, ەلىمىزگە ەڭبەگى سىڭگەن جامبىلدىق 8 ازاماتقا «امانات» ماراپاتى بەرىلدى.
جيىنعا, جالپى, مەملەكەتتىك مەكەمەلەر باسشىلارى, ەڭبەك ۇجىمدارى, ءىرى كاسىپورىندار مەن ءوندىرىس باسشىلارى, ەتنومادەني بىرلەستىكتەر, سپورتشىلار, قالا جاستارى جانە رەسپۋبليكالىق, وبلىستىق دەڭگەيدەگى بۇقارالىق اقپارات قۇرالدارى قاتىستى.
ال شارا سوڭى ونەر جۇلدىزدارىنىڭ كونتسەرتتىك باعدارلاماسىنا ۇلاستى.
حاميت ەسامان,
«ەگەمەن قازاقستان»
جامبىل وبلىسى
