«بۇل جەر بايان ولگەيدەن 300 شاقىرىم قاشىقتىقتا. بىراق تابا الماي قايتتىق. سەبەبى, مۇنى بىلەتىن, كورسەتەتىن موڭعولدىڭ شالى ۇلان باتىرعا كەتىپ قالىپتى. دەگەنمەن العاشقى قادام جاسالدى. كەلەشەكتە 1741 جىلى ابىلاي حان تۇتقىندا بولعان جۇرتتى تابامىز عوي دەپ ويلايمىن», - دەيدى ەتنوگراف.
احمەت توقتاباي وسى ساپارىندا قازاقتىڭ داڭقتى باتىرلارىنا قاتىستى دەرەكتەردى دە جيناپ قايتىپتى. موڭعولياداعى جوڭعاردان قالعان زاعشىن, ءدۇربىت, تورعاۋىت تايپالارىنىڭ اقساقالدارىمەن سويلەسكەندە ولاردىڭ اراسىندا قابانباي باتىر ەسىمى كوبىرەك ايتىلاتىنىنا, قولباسشىنىڭ مەيىرىمدىلىگى, قالماقتىڭ تۇتقىندارىنا بوستاندىق بەرگەنى, اسىرەسە تۇتقىنعا تۇسكەن ادامداردى جابىرلەمەگەنى ءجيى تىلگە تيەك ەتىلەتىنىن بايقاپتى. قابان دەگەن ءسوز موڭعول تىلىندە باس قولباسشى دەگەن ۇعىمدى بىلدىرەدى ەكەن. «جالپى, تاريحي قايراتكەرگە ەكىنشى اتاۋدى باسقا حالىق بەرەدى. وسىنداي فاكتىلەر ماڭىزدى. ەجەلگى جاۋلارىمىزدىڭ بەرگەن باعالارىن دا ەسەپكە الۋىمىز كەرەك», - دەيدى تاريحشى.
ازامات قاسىم,
«ەگەمەن قازاقستان»
شىعىس قازاقستان وبلىسى
