ينۆەستيتسيالىق مۇمكىندىكتەر تۋرالى فورۋمنىڭ پلەنارلىق وتىرىسى ءۇندى ساۋدا-ونەركاسىپ پالاتالارى فەدەراتسياسىنىڭ (FICCI) عيماراتىندا ءوتتى. ءىس-شارانى قازاقستان رەسپۋبليكاسىنىڭ ۇندىستانداعى ەلشىلىگى «Kazakh Invest» ۇلتتىق كومپانياسىمەن جانە FICCI-مەن بىرلەسىپ ۇيىمداستىردى.
قازاقستاندىق دەلەگاتسيانى «Kazakh Invest» ۇك» اق باسقارما توراعاسى ساپاربەك تۇياقباەۆ باسقاردى. دەلەگاتسيا قۇرامىنا قازاقستاننىڭ 10-نان استام جەتەكشى كومپانيالارىنىڭ باسشىلارى كىردى.
فورۋمعا ءۇندىستاننىڭ ساۋدا جانە يندۋستريا مينيسترلىگىنىڭ, سىرتقى ىستەر مينيسترلىگىنىڭ, ءۇندى ساۋدا-ونەركاسىپ پالاتالارى فەدەراتسياسىنىڭ وكىلدەرى, 50-دەن استام ءۇندى كومپانيالاردىڭ باسشىلارى, ساراپتامالىق جانە اكادەميالىق توپتار, باق وكىلدەرى قاتىستى.
قازاقستاننىڭ ۇندىستانداعى ەلشىسى بولات سارسەنباەۆ قازاقستان مەن ءۇندىستان اراسىنداعى ىنتىماقتاستىقتىڭ نەگىزگى باعىتتارى تۋرالى اڭگىمەلەپ, ەكى ەل ىنتىماقتاستىعىنىڭ پەرسپەكتيۆالىق باعىتتارىن ايقىنداپ, سونداي-اق فورۋم قاتىسۋشىلارىنا ەكىجاقتى ساۋدا-ساتتىقتى دامىتۋدىڭ سەرپىندى دامۋى تۋرالى حاباردار ەتتى.
س.تۇياقباەۆ قازاقستانداعى ينۆەستيتسيالىق احۋال تۋرالى جانە ەلدەگى بيزنەس-جوبالاردى ىسكە اسىرۋ پەرسپەكتيۆالارى تۋرالى اڭگىمەلەپ بەردى. اتاپ ايتقاندا, فورۋم قاتىسۋشىلارىنا قازاقستانداعى ىسكەرلىك مۇمكىندىكتەر, شەتەلدىك ينۆەستيتسيالاردى تارتۋ جاعدايلارى, مەملەكەتتىك قولداۋ جانە باسەكەلەستىك ارتىقشىلىقتارى تۋرالى تولىق اقپارات بەرىلدى. ول قازاقستان ۇكىمەتى بەكىتكەن بىرقاتار باسىم ينۆەستيتسيالىق جوبالاردى ۇسىندى جانە ءۇندى كومپانيالارىن ولاردى جۇزەگە اسىرۋعا قاتىسۋعا شاقىردى.
ءوز كەزەگىندە ءۇندى كاسىپكەرلەر اۋىل شارۋاشىلىعى, تاۋ-كەن ونەركاسىبى, ماشينا جاساۋ, تەلەكوممۋنيكاتسيا, دەنساۋلىق ساقتاۋ جانە ت.ب. سالالارىنداعى جوبالارعا ەرەكشە قىزىعۋشىلىق تانىتتى.
ءۇندىستاننىڭ سىرتقى ىستەر مينيسترلىگى ەۋرازيا دەپارتامەنتىنىڭ ديرەكتورى مانيش پرابحات 2009 جىلدان باستاپ ستراتەگيالىق دەڭگەيگە كوتەرىلگەن ەلدەر اراسىنداعى ەكى جاقتى ىنتىماقتاستىقتىڭ دايەكتى دامۋىن اتاپ ءوتتى.
ءۇندىستاننىڭ ساۋدا جانە يندۋستريا مينيسترلىگىنىڭ ديرەكتورى س.سۆاين مىرزا قازاقستاندا قىسقا مەرزىم ىشىندە بيزنەستى جۇرگىزۋ ءۇشىن قولايلى ينۆەستيتسيالىق احۋالعا يە اشىق جانە تارتىمدى ەلگە اينالدىرعان جۇرگىزىپ وتىرعان اۋقىمدى وزگەرىستەردى جوعارى باعالادى.
فورۋم بارىسىندا ءۇندى ارىپتەستەرىمەن ەكىجاقتى كەلىسسوزدەر جۇرگىزىلدى. بىرقاتار جوبالاردى بىرلەسىپ جۇزەگە اسىرۋ تۋرالى كەلىسىمدەرگە قول جەتكىزىلدى.
اتاپ ايتقاندا, قازاقستان دەلەگاتسيانىڭ GMR كومپانياسىنىڭ باسقارما مۇشەسى سيدارحات كاپۋرمەن جانە GMR ۆيتسە-پرەزيدەنتى مانوماي رايمەن كەزدەسۋ بارىسىندا ينۆەستيتسيالىق ىنتىماقتاستىق ماسەلەلەرى تالقىلاندى. كومپانيانىڭ Aerocity جوباسىن جۇزەگە اسىرۋ تاجىريبەسىن, ينديرا گاندي اتىنداعى نيۋ-دەلي حالىقارالىق اۋەجايىندا قاجەتتى ينفراقۇرىلىمدى قۇرۋدى ەسكەرە وتىرىپ, تاراپتار استانا جانە الماتى حالىقارالىق اۋەجايلارىنىڭ ماڭىنداعى كولىكتىك-لوگيستيكالىق حابتى سالۋ ءۇشىن ءىرى ينۆەستيتسيالىق جوبانى ىسكە اسىرۋعا GMR-دىڭ قاتىساتىنىڭ مۇمكىندىگىن قاراستىرۋعا كەلىستى.
قازاقستاندا 10 جىل بويى جۇمىس ىستەپ كەلە جاتقان RV Healthcare باسقارماسىمەن كەلىسسوزدەر جۇرگىزىلدى. RV Healthcare ءوزىنىڭ قازاقستاندىق سەرىكتەسىمەن بىرگە 5 ءتۇرلى دارىلىك پرەپاراتتاردى شىعارۋعا كىرىستى جانە قازىرگى ۋاقىتتا قازاقستان رەسپۋبليكاسىندا فارماتسەۆتيكالىق ءوندىرىستى قۇرۋ ءۇشىن 30 ملن. دوللارعا دەيىن ينۆەستيتسيانى ۇلعايتۋدى جوسپارلاپ وتىر.
سونداي-اق, NTPC, Shalimar valves, CG group, Artemis hospitals, Venky’s تاۋىق فەرماسى جانە ت.ب. ءىرى ءۇندى كومپانيالارىمەن كەزدەسۋلەر بارىسىندا بىرقاتار كەلىسىمدەرگە قول جەتكىزىلدى.
