ايماقتار • 14 قاراشا، 2018

وقۋ ورنىنا كەلمەيتىن ستۋدەنتتەرگە 8 ميلليون تەڭگە ستيپەنديا تولەنگەن

202 رەتكورسەتىلدى

شىعىس قازاقستان وبلىسى پروكۋراتۋراسىنىڭ وڭىردەگى كوللەدجدەردىڭ قىزمەتىنە جۇرگىزگەن تەكسەرۋى كەزىندە ءبىراز بىلىقتىڭ بەتى اشىلدى.      

پروكۋراتۋرانىڭ ءباسپاسوز قىز­مەتى تاراتقان مالىمەتتە تەك­سەرۋ بارىسىندا مەملەكەت­تىك تاپ­سى­رىستى ورنالاستىرۋ كەزىن­دە كونكۋرستىق راسىمدەردى ساقتا­ماۋ، ستۋدەنتتەردى جال­عان وقىتۋ، گرانتتاردى زاڭسىز تاعايىنداۋ، وقىتۋشىلار­­دىڭ بىلىكتىلىك تا­لاپ­تارىنا ساي كەلمەۋى، ستۋ­دەن­ت­تەردى جاتاق­حانالارمەن قام­تاماسىز ەت­پەۋ، مەملەكەتتىك م ۇلىك­تى زاڭ­سىز جالعا بەرۋدەن تابىس تابۋ فاكتىلەرى انىقتالعانى اي­تى­لا­دى. «جۇمىس ورنىمەن قام­تىلعان تۇلەكتەردىڭ سانى تۋرالى مالىمەتتەردى جاساندى تۇ­ردە ارتتىرۋ، وقۋ ورىن­دارى­نىڭ اكىمشىلىگى تاراپىنان تۇلەكتەردىڭ جۇمىسپەن قامتى­لۋىنا كومەك كورسەتىلمەۋى ءجيى ورىن العان. مەملەكەتتىك ءبىلىم بەرۋ تاپسىرىسىن ورنالاستىرۋ ەرەجەلەرى بۇزىلىپ، باسقا جەر­دەن كەلگەن ستۋدەنتتەر جاتاق­حا­نالارمەن قامتاماسىز ەتىلمە­گەنىنە قاراماستان، وبلىستىق ءبىلىم بەرۋ باسقارماسى جىل سا­يىن سەمەي قالاسىنداعى بيزنەس جانە سەرۆيس كوللەدجىنە، اياگوز قالاسىنداعى پوليتەحني­كا­لىق كوللەدجىنە جانە وسكە­مەن قالا­سىنداعى ەكى كول­لەدج­گە گرانتتار بەرگەن. سونداي-اق كوللەدج اكىمشىلىكتەرى ستۋدەنتتەردىڭ جاتاقحانادا تۇرۋ باعاسىنا مەم­لەكەتتىك تاپسىرىس بويىن­شا كەلىسىمشارتتىڭ جالپى سوما­­سىنا ەنگەن كوممۋنالدىق قىز­مەتتەر ءۇشىن شىعىنداردى ەنگىزگەن، جاتاقحانالارداعى بول­مەلەردى ءۇشىنشى تۇلعالار­عا جالعا بەرگەن. كۇرشىم كوللەد­جىن­دە 12 «ستۋدەنتتى» جالعان وقىت­قان.

وقىتۋشىلار مەن وندىرىستىك وقىتۋ شەبەرلەرى وقۋ ساباقتارىن وتكىزۋ كەزىندە تەو­ريالىق جانە پراكتيكالىق وقۋ جۋرنالدارىندا وسى ستۋدەنتتەرگە باعا قويعان، ولاردى ارالىق اتتەستاتتاۋعا جىبەرگەن، كۋرستان كۋرستارعا كوشىر­گەن. وسى ستۋدەنتتەرگە ستي­پەن­ديا تولەنىپ، مەملەكەتكە كەل­تىرىل­گەن زالالدىڭ جالپى سو­ما­سى 8 ملن تەڭگەنى قۇراعان. وسى فاكت بويىنشا سوتقا دەيىنگى تەرگەۋ جۇرگىزىلۋدە»، دەلىنگەن پروكۋراتۋرانىڭ ءباسپاسوز قىزمەتى تاراتقان مالىمەتتە.

سونىمەن قاتار كوللەدج­دەر­دىڭ اۋماعىندا م ۇلىكتى جەكە ماقساتقا زاڭسىز پايدالانۋ فاك­تىلەرى دە انىقتالعان. مىسا­لى، وسكەمەندەگى اعايىندى ابدۋل­ليند­ەر اتىنداعى شى­عىس ق­ازا­ق­ستان وبلىستىق ونەر ۋچ­يلي­ششەسىنىڭ اۋماعىندا اقى­لى اۆتوتۇراق ورنالاسىپتى. پرو­كۋروردىڭ ۇسىنىمى ەنگى­زىل­گەن سوڭ اۆتوتۇراق جابىلىپ، ونىڭ ورنىنا سپورت الاڭشاسىن سالۋ جوسپارلانۋدا.   

پروكۋرورلار تەكسەرۋ ناتي­جە­لەرى نەگىزىندە مەملەكەتكە 43 ملن تەڭگەدەن استام زالال كەلگەنىن انىقتادى. قاداعالاۋ اكتىلەرى بويىنشا بۇگىنگە دەيىن 36 ملن تەڭگە ءوندىرىلىپتى. 60 تۇلعا تارتىپتىك، 4 تۇلعا اكىمشىلىك جاۋاپقا تارتىلدى. 

ازامات قاسىم،

«ەگەمەن قازاقستان»

شىعىس قازاقستان وبلىسى

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار