قوناقتار الدىمەن وبلىس وڭىرىندەگى شارۋاشىلىقتار مەن وڭدەۋ كاسىپورىندارىن ارالادى. ولارمەن وبلىس باسشىلىعى كەزدەسىپ, دوڭگەلەك ۇستەل باسىندا بەتبە-بەت اڭگىمە جۇرگىزدى.
امەريكاندىق ينۆەستورلاردى نەگىزىنەن اۋىل شارۋاشىلىعى قىزىقتىرادى ەكەن. دوڭگەلەك ۇستەل باسىندا اڭگىمەگە امەريكالىق دەلەگاتسيادان ەت وڭدەۋ مەن ەت ەكسپورتىمەن اينالىساتىن Tyson Fresh Meat Inc كومپانياسىنىڭ, مالدى ازىقتاندىرۋ مەن ونىڭ گەنەتيكاسىمەن اينالىساتىن Global Beef Investors, جەردى سۋلاندىرۋ جابدىقتارى مەن تەحنولوگياسىن وندىرەتىن كرس, VALMONT Irrigation جانە تۇقىمدى اسىلداندىرۋ ءىسىن زەرتتەيتىن 3rd Millennium Genetics LLC كومپانيالارىنىڭ باسشىلارى قاتىستى.
«امەريكاداعى اۋىل شارۋاشىلىعىن ءتيىمدى دامىتۋدىڭ «قۇدايى» سانالاتىن وسىنداي كومپانيالاردى قازاقستانعا اكەلگەنىمە ريزامىن. بۇل كىسىلەر كومپانيالارىنىڭ ءونىمى جارتى الەمدى قامتاماسىز ەتەدى. امەريكاداعى سولتۇستىك داكوتادا نەبارى 700 مىڭ ادام تۇرادى. ال ونىڭ ىشكى ءونىمى 45 ملرد دوللاردى قۇرايدى, جىل سايىنعى ءوسىمى 8 پروتسەنت. تابىس تەك اگروونىم ەسەبىنەن تۇسەدى. وندا جۇمىسسىزدىق, كەدەيشىلىك دەگەن ۇعىم جوق. ورتاشا جالاقى ورتاشا شارۋاشىلىقتىڭ وزىندە ساعاتىنا 25 دوللار. فەرمەر ءبىر مىڭ گەكتار جەردەن ءبىر جىلدا 300 000-350 000 دوللار تابىس تابادى. وندا وڭدەلمەگەن ۇلتاراقتاي دا جەر جوق. بۇل كىسىلەر قازاقستانعا كەلۋگە, ينۆەستيتسيا سالۋعا كەلىستى» دەدى ەركىن تاتيشەۆ.
وبلىس اكىمى ارحيمەد مۇحامبەتوۆ قوستاناي وبلىسىنىڭ ينۆەستيتسيالىق الەۋەتى تۋرالى ايتىپ بەردى.وبلىستا جەر دە جەتەدى, لوگيستيكا دا بار, وندىرگەن ءونىمدى سىرتقا شىعاراتىن نارىق تا جاقىن. ال امەريكالىق قوناقتار ءوز ماقساتتارىن ايتتى.
ء«بىز وتە ۇلكەن فيرمامىز. بىزدەگى 6 زاۋىتتا كۇنىنە 28 000 باس مال سويىلىپ, ەتى وڭدەلەدى, شوشقا ەتى 7 زاۋىتتا وڭدەلەدى. زاۋىتتار اپتاسىنا 25 ميلليون تاۋىق ەتىنەن ءتۇرلى ازىق پەن جارتىلاي فابريكاتتار جاسايدى. ءبىز 130 000 جۇمىسشى جالدايمىز.ءبىزدىڭ قازاقستانعا كەلىپ, ادامداردى جۇمىسپەن قامتاماسىز ەتۋىمىز جاقسى ساياسات بولار ەدى. بۇل ءۇشىن امەريكادا بىرنەشە كەزدەسۋلەر وتكىزىپ, كەلىسۋىمىز قاجەت, ءبىزدىڭ كەلۋىمىز بىردەن شەشىلمەۋى مۇمكىن, ۋاقىت كەرەك. بىراق ماعان قازاقستان ۇناپ قالدى, ادامدارىنا, مادەنيەتىنە عاشىق بولىپ قالعاندايمىن» دەدى Tyson Fresh Meat Inc كومپانياسىنىڭ وكىلى گارولد دين ساندورسكي.
وبلىس اكىمى ارحيمەد مۇحامبەتوۆ امەريكالىقتاردىڭ وبلىس شارۋاشىلىعىنا ينۆەستيتسيا قۇيۋى ءۇشىن جەرگىلىكتى اتقارۋ بيلىگى تاراپىنان بارلىق قولايلى جاعداي جاسالاتىنىن, ول ءۇشىن ەڭ باستىسى ەكى جاقتى سەنىم كەرەكتىگىن ايتتى. قالعان جۇمىستىڭ بارلىعىن الداعى ۋاقىت كورسەتەدى.
ءنازيرا جارىمبەت,
«ەگەمەن قازاقستان»
قوستاناي
