بۇگىندە كوپتەگەن كاسىپكەر اتالعان باستامانى قولداپ, وزدەرىنىڭ قىزمەتكەرلەرىنە جالاقى مولشەرىن ارتتىرۋ تۋرالى شەشىم قابىلداعان. ماسەلەن, قاراعاندى وبلىسىنىڭ «مۋتلۋ ەكسپورت» جشس وسى جىلدىڭ قازان ايىنان باستاپ زاۋىت جۇمىسشىلارىنىڭ ەڭبەكاقىسىن 34%-عا كوبەيتتى. «مۋتلۋ ەكسپورت» جشس كاسىپورنىنىڭ ديرەكتورى دوس-مۇقاسان تاۋكەباەۆتىڭ ايتۋىنشا, بۇگىنگى تاڭدا جۇمىسشىلاردىڭ ايلىعى 120 مىڭ تەڭگەنى قۇرايدى.
ء«بىز ەلباسىنىڭ ەڭبەكاقىنى ءوسىرۋ, قىزمەتكەرلەردىڭ ەڭ تومەنگى كۇنكورىس شەگىن ۇلعايتۋ جونىندەگى تاپسىرماسىن قولدايمىز. «مۋتلۋ» كومپانيالار توبى تەحنيكالىق جۇمىسشىلار مەن زاۋىتتاردا جۇمىس ىستەيتىن قىزمەتكەرلەردىڭ ەڭبەكاقىسىن 34%-عا ۇلعايتتى. ياعني, ەگەر ءبىزدىڭ جۇمىسشىلارىمىز بۇعان دەيىن 90 مىڭعا جۋىق جالاقى العان بولسا, قازان ايىنان باستاپ ولار 120 مىڭ تەڭگە كولەمىندە الادى», دەدى د.تاۋكەباەۆ.
«مۋتلۋ» كومپانياسىنىڭ نەگىزى 1997 جىلى قالانعان. كومپانيانىڭ نەگىزگى قىزمەتى − بيدايدى ساتىپ الىپ, ءارتۇرلى سۇرىپتاعى ۇن شىعارۋ. قازىرگى تاڭدا كومپانيانىڭ ءۇش ۇن كومبيناتى بار. ەكسپورت گەوگرافياسى وتە اۋقىمدى, كومپانيا ونىمدەرى قازاقستاننىڭ ىشكى نارىعىنان وزگە وزبەكستانعا, تاجىكستانعا, قىرعىزستانعا, تۇرىكمەنستانعا, ازەربايجانعا, اۋعانستانعا جەتكىزىلەدى.
2018 جىلعى 1 قازانداعى جاعداي بويىنشا قاراعاندى وبلىسىندا جالپى 83 249 شاعىن جانە ورتا كاسىپكەرلىك سۋبەكتىسى جۇمىس ىستەيدى. 2018 جىلعى قاڭتار-ماۋسىم ايلارىندا ولار شىعارعان ءونىم كولەمى 2017 جىلدىڭ سايكەس كەزەڭىمەن سالىستىرعاندا 21,6%-عا ءوسىپ, 507,4 ملرد تەڭگە قۇراعان. بيىلعى 1 شىلدەدەگى جاعداي بويىنشا بيزنەس سالاسىندا جۇمىس ىستەيتىندەر سانى 231 195 ادامدى نەمەسە وتكەن جىلدىڭ 7 ايىنداعى كورسەتكىشتىڭ 105,3%-ىن قۇراعان. وسىلايشا, ەلىمىزدىڭ بيزنەس-قاۋىمداستىعىنىڭ پرەزيدەنت جولداۋىن قولداۋى وبلىستىڭ دا الەۋمەتتىك-ەكونوميكالىق دامۋىنان وڭ كورىنىس تابادى.
ايتا كەتكەن ءجون, پرەزيدەنتتىڭ ەڭ تومەنگى جالاقىنى ءوسىرۋ تۋرالى شەشىمى بارلىق سالا بويىنشا ءتۇرلى مەنشىك نىساندارىنداعى كاسىپورىنداردا جۇمىس ىستەيتىن 1 ميلليون 300 مىڭ ادامنىڭ ەڭبەكاقىسىن تىكەلەي قامتيدى. بۇدان وزگە, ەڭ تومەنگى جالاقىنىڭ جاڭا مولشەرى بۇكىل ەكونوميكا اۋقىمىنداعى ەڭبەكاقى ءوسىمىنىڭ كاتاليزاتورىنا اينالادى.
ەسكە سالا كەتەيىك, بۇعان دەيىن پرەمەر-مينيستر ب.ساعىنتاەۆتىڭ ەلىمىزدىڭ وڭىرلەرىنە پرەزيدەنت جولداۋىن ىسكە اسىرۋ ماسەلەلەرى جونىندەگى جۇمىس ساپارلارى بارىسىندا شىعىس قازاقستان وبلىسىنىڭ كاسىپورنى, «فيرما «ازيا» جشس قۇرىلىس كومپانياسى 2019 جىلعى 1 قاڭتاردان باستاپ قىزمەتكەرلەرگە ەڭ تومەنگى جالاقى مولشەرىن 50%-عا دەيىن كوتەرەتىنىن مالىمدەگەن ەدى. «باقىرشىق تاۋ-كەن ءوندىرىسى كاسىپورنى» جشس دا جۇمىسشىلارعا ەڭبەكاقى مولشەرىن ءوسىرۋ ماسەلەسىن قاراستىرىپ جاتىر. ال الماتى وبلىسىندا «الماتى بوياۋلارى» جشس, «ابدي يبراگيم گلوبال فارم» جشس, «جاركەنت كراحمال-سىرنە زاۋىتى» جشس مالىمدەگەن-ءتىن.
قايرات ءابدىلدا,
«ەگەمەن قازاقستان»
