كەزدەسۋدە وبلىس اكىمى قۇمار اقساقالوۆتىڭ ءوڭىردىڭ الەۋمەتتىك-ەكونوميكالىق دامۋ قورىتىندىلارى جايلى ەسەبى تىڭدالدى. اگرارلىق سەكتورعا 60 ميلليرد تەڭگە نيۆەستيتسيا قۇيىلعان.تۇتاستاي العاندا بيىل 218 ميلليارد تەڭگە كولەمىندە قارجى تارتۋ بەلگىلەنگەن. استىق ءوندىرىسىن ءارتاراپتاندىرۋ ناتيجەسىندە مايلى داقىلدار كولەمى ءبىر ميلليون گەكتار القاپتى قۇراعان. كراحمال, كلەيكوۆينا, بيوەتانول وندىرەتىن زاۋىت ىسكە قوسىلدى. نەمىستىڭ «CLAAS» كونتسەرنى اۋىل شارۋاشىلىق تەحنيكالارىن شىعارىتىن بىرىككەن كاسىپورىن سالماقشى. جۇك ۆاگوندارىن قۇراستىرۋ جوباسىنا 30 ميلليراد تەڭگە بولىنبەك. جەكە يندۋستريالدىق ايماق قۇرىلىپ, ونىڭ قۇرامىنا 14 كاسىپورىن كىرگەن. بىلتىر 1350 وتباسى پاتەرگە يە بولسا, بيىل قۋانىش يەلەرىنىڭ سانى 1500-گە جەتىپ وتىر.
پرەزيدەنت وڭىردەگى الەۋمەتتىك-ەكونوميكالىق وزگەرىستەرگە وڭ باعا بەرىپ, حالىقتىڭ ءال-اۋقاتى مەن تابىسىن جاقسارتۋ باستى مىندەت بولىپ قالا بەرەتىنىن, وسىعان وراي الدا تۇرعان بىرقاتار تاپسىرمالار بەردى. قورعانىس جانە ازاماتتىق سالالاردا ءىرى زاۋىتتار جاقسى جۇمىس ىستەپ تۇرعانىن اتاپ كورسەتىپ, كەلەشەكتە اۋىل شارۋاشىلىق ونىمدەرىن قالدىقسىز وڭدەۋگە باسا نازار اۋدارۋ, ەتتى, ءسۇتتى بارىنشا كوپ ەكسپورتتاۋدىڭ مۇمكىندىكتەرىن ىزدەستىرۋ,بۇل باعىتتاعى باسەكەلەستىك الەۋەتىن كۇشەيتۋ جونىندە ناقتى مىندەتتەر قويدى.
ءومىر ەسقالي,
«ەگەمەن قازاقستان
سولتۇستىك قازاقستان وبلىسى
