اقتوبە وبلىسىنىڭ رەسەي فەدەراتسياسىمەن اراداعى ىشكى تاۋاراينالىمى 2018 جىلدىڭ قاڭتار-تامىز اي لارى ىشىندە 804,3 مىڭ اقش دوللارىن, سونىڭ ىشىندە ەكسپورت – 373 مىڭ اقش دوللارىن قۇرادى. ەكسپورتتىڭ نەگىزگى ۇلەسى حروم, مىس جانە مىرىش رۋدالارى مەن كونتسەنتراتتارىنا, مۇناي ونىمدەرىنە تيەسىلى. سونداي-اق, ەكسپورتقا قۇبىر ءونىمى, سۇيمەن مەن قارا مەتالل جانە باسقا دا تاۋارلار كىرەدى.
اۋماعىندا «ماگنيتاگورسك مەتاللۋرگيا كومبيناتى» كاق, «ممك-مەتيز» ماگنيتاگورسك مەتبۇيىم-كاليبرلەۋ زاۋىتى, «چەليابى مىرىش زاۋىتى» كاق جانە ت.ب. سىندى ءىرى كاسىپورىندار جۇمىس جاسايتىن چەليابى وبلىسى اقتوبەلىك تاراپ ءۇشىن ۇلكەن قىزىعۋشىلىق تۋدىرادى. قازىرگى تاڭدا ءوڭىردىڭ كاسىپورىندارىمەن 11 اقتوبەلىك كومپانيا تىعىز جۇمىس جاسايدى. بۇل ءوزارا قارىم-قاتىناس پەن ەكونوميكالىق بايلانىستى كەڭەيتۋ ءۇشىن ۇلكەن الەۋەت بارىن دالەلدەيدى.
كەلىسىمدەر اياسىندا تاراپتار ساۋدا-ەكونوميكالىق, عىلىمي-تەحنيكالىق, الەۋمەتتىك, مادەني جانە گۋمانيتارلىق ىنتىماقتاستىقتى كەڭەيتۋدە ءوزارا ارەكەت ەتۋگە, وڭىرلەردىڭ بيزنەسىن, وندىرىستىك-شارۋاشىلىق كووپەراتسيانى دامىتۋدا كومەكتەسۋگە كەلىستى.
ءوڭىر باسشىلارى سونداي-اق, وزدەرىنىڭ وكىلەتتىكتەرى اياسىندا بىرلەسكەن باعدارلامالار مەن جوبالاردى جۇزەگە اسىرۋ ءۇشىن كۇش بىرىكتىرۋدى, تاراپتار وكىلدەرىنىڭ رەسمي جانە جۇمىس بابىمەن كەزدەسۋلەرى اياسىندا ينۆەستيتسيالىق جوبالاردى جۇزەگە اسىرۋداعى تاجىريبەلەرىمەن الماسۋدى, ىسكەرلىك تاپسىرمالار, كورمەلەر ۇيىمداستىرۋدى جانە ينۆەستيتسيالىق الەۋەتتى تانىستىرۋدى جوسپارلاپ وتىر. دەنساۋلىق ساقتاۋ جانە ءبىلىم بەرۋ, تۋريزم سالالارىنداعى بىلىمدەرىمەن جانە تاجىريبەلەرىمەن الماسۋداعى بىرلەسكەن جۇمىستار جوسپارلانعان
