سوڭعى التى جىل ىشىندە وبلىستا مۇناي ءوندىرۋ كولەمى ايتارلىقتاي قىسقارعان. بۇل تۋرالى وبلىس اكىمى قىرىمبەك كوشەرباەۆ:
- رەسپۋبليكا بويىنشا ءونىم كولەمى ازايۋىنىڭ 70%-دان استامى قىزىلوردا وبلىسىندا ورىن الدى. وسى ۋاقىت ىشىندە جالپى العاندا ءبىز 4,5 ملن. توننا ءونىمدى جوعالتتىق. ال, بۇل دەگەنىمىز - ينۆەستيتسيا, جۇمىس ورىندارى جانە بيزنەس. تەك اعىمداعى جىلدىڭ وزىندە بولجام بويىنشا 600 مىڭ توننادان استام جەتىسپەۋشىلىك بايقالدى. بىراق, جۇيەلى شارالار ناتيجەسىندە 2017 جىلدىڭ قورىتىندىسى بويىنشا سوڭعى 4 جىلدا ءبىرىنشى رەت ءجىو بويىنشا وڭ ۆەكتورعا - 100,8% شىقتىق. مۇناي مەن بۇگىنگى تاڭدا ۋران ءوندىرۋ كولەمىنىڭ جىل سايىنعى تومەندەۋىنە قاراماي, بۇل جوسپار بيىل دا ورىندالادى, - دەدى.
وسىعان قاراماستان, سوڭعى ءۇش جىلدا ونەركاسىپكە سالعان ينۆەستيتسيا كولەمى ەكى ەسەگە جۋىقتاعان. ال, جۇمىسپەن قامتىلعاندار سانى 58 پايىزدان, ەڭبەك ونىمدىلىگى 18 پايىزدان اسقان. ەلباسى شيكىزاتقا تاۋەلدى بولۋ مەملەكەتتىڭ ادىمىن تۇسايتىندىعىن ايتىپ كەلەدى. مەملەكەت باسشىسىنىڭ ونەركاسىپتەردى وركەندەتۋ جونىندەگى تاپسىرمالارى سىر وڭىرىندە جاقسى ورىندالىپ جاتقاندىعى كاسىپورىنداردىڭ كوبەيگەندىگىنەن بايقالادى.
باقتيار تايجان,
«ەگەمەن قازاقستان»
قىزىلوردا وبلىسى
