سەميناردا قوعامدىق كەلىسىم كوميتەتىنىڭ توراعا ورىنباسارى بالعابەك مىرزاەۆ ءدىن تاقىرىبىنىڭ بۇگىنگى قوعامدا اسا وزەكتى ەكەنىن ايتا كەلىپ, تەرىس اعىمداعى توپتاردىڭ ءوز قاتارلاستارىن تولتىرۋ ماقساتىندا ءتۇرلى ارەكەتتەرگە بارىپ جاتقاندىعىن جەتكىزدى.
̶ دەسترۋكتيۆتى ءدىني اعىمدار بۇگىنگى قوعامدا جاستاردى بەلسەندى تۇردە قاتارلارىنا قوسۋعا ارەكەت قىلۋدا. سونىمەن قاتار, الەۋمەتتىك ءالسىز توپتاردى دا ءوز ماقساتتارىنا پايدالانۋعا تىرىسىپ باعادى. ولاردىڭ قولداناتىن كەڭ تاراعان فۋنكتسيالارىنىڭ ىشىندە قارىزعا اقشا بەرۋ ارقىلى, جۇمىسقا ورنالاستىرۋ نەمەسە اكە-شەشەسى, تۋعان-تۋىسى جوق جاندارعا باۋىرمالدىق تانىتىپ, جالعا باسپانا بەرۋ ارقىلى ءوز توپتارىنا قوسىپ جاتقانىن كوزىمىز كورىپ وتىر. تەرىس ءدىني اعىم وكىلدەرى كوپ جاعدايدا ادامداردىڭ ەموتسياسىنا اسەر ەتۋ ارقىلى ءوز پيعىلدارىن جۇزەگە اسىرىپ جاتادى,-دەدى قوعامدىق كەلىسىم كوميتەتىنىڭ توراعا ورىنباسارى. ونىڭ ايتۋىنشا, تەرىس اعىمدارمەن كۇرەسۋ ءۇشىن وڭىرلەردەگى اقپاراتتىق-ءتۇسىندىرۋ توپتارىنىڭ بەلسەندى تۇردە جۇمىس جۇرگىزۋى قاجەت. ب. مىرزاەۆ سونىمەن قاتار, تەرىس اعىم وكىلدەرى الەۋمەتتىك جەلىلەردە دە ءوز ۇگىت-ناسيحاتتارىن بەلسەندى تۇردە جۇرگىزىپ وتىرعانىن ايتتى.
̶ ءبىزدىڭ كوميەتەت بىلتىر 6 مىڭنان استام الەۋمەتتىك پاراقشاعا ساراپتاما جۇرگىزىپ, ونىڭ ىشىندە 2 مىڭنان استام پاراقشاعا «تەرىس پيعىلدى» جازبالاردى تاراتىپ وتىر دەگەن باعا بەردى. اتالعان پارقشالاردا جاريالانعان پوستاردىڭ مازمۇندارىندا دەسترۋكتيۆتى اعىمداردىڭ كورىنىسى بار. بۇل جازبالاردى تاراتۋشىلاردىڭ 50 پايىزى ماقساتتى تۇردە جۇمىس جۇرگىزسە, ونىڭ جارتىسى تاراتىلعان ۋاعىزداردىڭ تەرىس اعىمدارعا تيەسىلى ەكەنىن بىلمەيتىن بولىپ شىقتى,- دەدى مينسترلىك وكىلى. وسى رەتتە, حالىققا ءتۇسىندىرۋ جۇمىستارىن جۇرگىزۋدىڭ قانشالىقتى ماڭىزدى ەكەنىن اتاپ ءوتتى.
اتالعان جيىندا ءدىن سالاسىنداعى عالىمدار, ءدىنتانۋشىلار, تەولوگتار الداعى ۋاقىتتا ءدىني احۋالدى تۇراقتاندىرۋ جولدارىن جوسپارلادى.
ەركەجان ايتقازى,
«ەگەمەن قازاقستان»
