ءىس-شاراعا قارۋلى كۇشتەردىڭ ارداگەرلەرى مەن اسكەري بارلاۋ ورگاندارىنىڭ وكىلدەرى قاتىستى. قۇرىلعان ساتتەن باستاپ بارلاۋ ينستيتۋتى باسشىلىق ەتۋدىڭ ءتيىمدى جۇيەسىن, ونىڭ جاۋىنگەرلىك ورگاندارىنىڭ دۇرىس ۇيىمداستىرىلعان تۇردە قۇرىلۋىن, ءارتۇرلى جاۋىنگەرلىك ءىس-قيمىلداردى قامتاماسىز ەتۋدە ولاردىڭ ناتيجەلى قولدانىلۋىنا باسىمدىق بەردى. وعان قوسا اقپاراتتىق تەحنولوگيالاردىڭ دامۋىمەن ءارتۇرلى بارلاۋ تۇرلەرى سانىنىڭ ۇلعايۋى بايقالۋدا.
– تاۋەلسىزدىك جىلدارى ىشىندە ەلباسى – قارۋلى كۇشتەردىڭ جوعارعى باس قولباسشىسى نۇرسۇلتان ءابىش ۇلى نازارباەۆتىڭ باسشىلىق ەتۋىمەن قارۋلى كۇشتەر ەلىمىزدىڭ بەرىك قالقانىنا اينالدى. بۇگىندە حالىقارالىق شارتتاردىڭ جويىلۋى, ساياسي تۇراقسىزدىق, تەرروريزم اكتىلەرى, اسكەري ءىس-قيمىلداردىڭ اقپاراتتىق, كيبەرنەتيكالىق ادىستەرى قولدانىلۋىنان الەمگە ەلەۋلى قاۋىپ-قاتەر تۋىپ تۇر. وسى رەتتە اسكەري بارلاۋ مەملەكەتىمىزدىڭ ۇلتتىق قاۋىپسىزدىگىن قامتاماسىز ەتۋ جۇيەسىنىڭ جالپى قۇرىلىمىندا ماڭىزدى رولگە يە, – دەدى قورعانىس ءمينيسترى.
سونداي-اق سالتاناتتى شارا بارىسىندا قورعانىس ۆەدومستۆوسىنىڭ باسشىسى اسكەري بارلاۋ ورگاندارىن دامىتۋعا ۇلەس قوسىپ جۇرگەن بارلاۋ بولىمشەلەرى اسكەري قىزمەتشىلەرى قىزمەتىنىڭ كۇردەلىلىگى مەن ماڭىزدىلىعىن اتاپ ءوتتى. قورعانىس ءمينيسترى ولاردىڭ كاسىپقويلىقتارىن ساۋاتتى باسقارۋ جانە شەبەر ۇيىمداستىرۋمەن ۇشتاستىرۋدا ءوز ىسىنە دەگەن ادالدىقتارىن اتاپ ءوتىپ, ارداگەرلەرگە ەرەكشە ءىلتيپات پەن العىس ءبىلدىردى.
ءىس-شارا سوڭىندا اناعۇرلىم ەرەكشە كوزگە تۇسكەن وفيتسەرلەر مەن سەرجانتتار ۆەدومستۆولىق مەدالدارمەن جانە باعالى سىيلىقتارمەن ناگرادتالدى.
سەرىك ابدىبەك,
«ەگەمەن قازاقستان»
