تاراپتار الدىمەن وڭىرلەردىڭ سىرتقى ەكونوميكالىق ارىپتەستىگىنە باسا ءمان بەردى. اتاپ ايتقاندا, تاۋار اينالىمىن ارتتىرۋ, وندىرىستىك كووپەراتسيانى كۇشەيتۋ, ءبىلىم بەرۋ مەن دەنساۋلىق ساقتاۋ, مادەني قارىم-قاتىناس جانە تۋريزم جايى جان-جاقتى ءسوز بولدى.
2019 جىلدىڭ العاشقى توقسانىندا قوستانايدا چەليابى وبلىسىنىڭ كۇندەرىن وتكىزۋ تالقىلاۋدىڭ باستى تاقىرىبىنا اينالدى. شارا اياسىندا ەكى ەلدىڭ ىسكەرتوبى وكىلدەرىنىڭ كەزدەسۋىنە مۇمكىندىك تۋىپ, الەۋمەتتىك-مادەني بايلانىستارعا جول اشىلماق. بۇل رەتتە تاراپتار قازىردەن باستاپ ۇيىمداستىرۋ ماسەلەلەرىن قولعا الۋ قاجەتتىگىنە كەلىستى. تاياۋ ۋاقىتتا ارنايى جۇمىس توبى قۇرىلىپ, ءتيىستى ءىس-شارالار جوسپارى ناقتىلاناتىن بولادى. ايتپاقشى, 2017 جىلى ايماقتار اراسىندا ساۋدا-ەكونوميكالىق جانە مادەني ارىپتەستىك جونىندەگى كەلىسىمگە قول قويىلعان بولاتىن. قوستانايدا چەليابى وبلىسىنىڭ مادەني كۇندەرىن وتكىزۋ سول قۇجاتتا كەلىسىلگەن ماسەلەلەردىڭ ناقتى جۇزەگە اسىرىلۋى بولىپ تابىلادى.
ايماقتاعى ء تۋريزمدى دامىتۋ ماقساتىندا چەليابى مەن قوستاناي وبلىستارىنىڭ تۋريستىك ۇيىم وكىلدەرى جانە بلوگەرلەر ءۇشىن قىسقى تۋريستىك باعىتتار بويىنشا اقپاراتتىق تۋر ۇيىمداستىرىلادى. رەسەي تاراپى اتالعان شاراعا ارناپ قارجى بولۋگە دايىن ەكەندىگىن جەتكىزدى. ال جاز ايلارىندا بالالار مەن جاستار ءتۋريزمىن دامىتۋ ماقساتىندا ايماقتار ءۇش كۇندىك تۋريستىك باعىتتاردى قولعا الۋ قاجەتتىگىنە ۋاعدالاستى. ول بويىنشا قاۋىپسىزدىك پەن باعدارلامانىڭ مازمۇندىلىعىنا ايرىقشا دەن قويىلاتىنى دا اڭگىمەدەن تىس قالدمادى. بۇدان بولەك مەديتسينالىق, اڭشىلىق-ولجالىق تۋريزم باعىتتارىنا دا باسا ءمان بەرىلىپ وتىر. اسىرەسە, اڭشىلىق-ولجالىق تۋريزم ء ۇشىن قوس وڭىردەگى تابيعات, اڭداردىڭ ء ار الۋاندىعى مول مۇمكىندىك سىيلاماق.
تاراپتار وندىرىستىك كووپەراتسيا, ينۆەستيتسيا تارتۋ جونىندە بىرلەسىپ قولعا العان جوبالاردى ۇنەمى نازاردا ۇستاپ, اقپارات الماسىپ وتىرۋعا كەلىستى. كەزدەسۋ سوڭىندا 2020 جىلى چەليابى قالاسىندا وتەتىن شانحاي ىنتىماقتاستىق ۇيىمى (شىۇ) مەن بريكس سامميتتەرى دە ءسوز بولدى. رەسەيلىك تاراپ قوستاناي وبلىسىن وسى جىلدىڭ 4-6 جەلتوقسان كۇندەرى چەليابىدە وتكىزىلەتىن شىۇ اياسىنداعى فورۋمعا قاتىسۋعا شاقىردى. شىۇ-عا مۇشە ەلدەردىڭ ايماقارالىق ىنتىماقتاستىعىن ارتتىرۋعا سەبەپشى مۇنداي فورۋمدى وتكىزۋ تۋرالى شەشىم ۇيىمنىڭ بيىلعى 9-10 ماۋسىمدا قىتايدىڭ تسينداو قالاسىندا وتكەن ءسامميتى كەزىندە قابىلدانعان بولاتىن.
ءنازيرا جارىمبەت,
«ەگەمەن قازاقستان»
قوستاناي
