دەۆيس كۋبوگى جولىنداعى جارىستا پورتۋگاليا قۇراماسىنىڭ جارىتىپ ونەر كورسەتكەنى ەسىمىزدە جوق. قازىرگى كەزدە دە ولاردىڭ قارقىنى كۇشتى دەپ ايتا المايمىز. ايتۋلى مەملەكەت وكىلدەرى اراسىندا ەڭ ۇزدىك ويىنشىسى جواو سوۋسا الەمدىك رەيتينگتە 48 ورىندى يەلەنۋدە. بيىل ول اقش-تىڭ اشىق بىرىنشىلىگىندە ءتورتىنشى كەزەڭگە شىقتى. ازىرگە 29 جاستاعى تەننيسشىنىڭ ەڭ ءتاۋىر ناتيجەسى وسى. پيرەنەي تۇبەگىنىڭ ودان كەيىنگى ۇزدىگى 30 جاستاعى پەدرو سوۋسا. اتر تىزىمىندە ول 124 ساتىعا جايعاستى. قالعاندارى «توپ-200» ويىنشىنىڭ قاتارىنا دا ەنبەگەن.
پورتۋگالياعا قاراعاندا قازاقستان قۇراماسىنىڭ قارقىنى الدەقايدا شيراق. ءبىزدىڭ جىگىتتەر 2011-2018 جىلدار ارالىعىندا ايتۋلى جارىستا بەس رەت شيرەك فينالعا شىقتى. ەلىمىزدىڭ ءبىرىنشى راكەتكاسى ميحايل كۋكۋشكين الەمدىك رەيتينگتە 54 ورىندا تۇر. الەكساندر نەدوۆەسوۆ (№241), الەكساندر بۋبليك (№248) جانە دەنيس ەۆسەەۆ (№297) سىندى ويىنشىلار قالىڭ توپتىڭ اراسىندا جۇرگەنىمەن, ولار كوماندالىق سايىستا وتە شەبەر وينايدى. ولار بولسا, كەلەسى جىلدىڭ 1-2 اقپان كۇندەرى استانادا وتەتىن باسەكەدە جەرلەستەرىمىز ءوز جانكۇيەرلەرىن قۋانتۋعا ءتيىس.
عالىم سۇلەيمەن,
«ەگەمەن قازاقستان»
