وبلىستىق مەملەكەتتىك رامىزدەر جونىندەگى كوميسسيانىڭ كەزەكتى وتىرىسىندا وبلىس اكىمى قىرىمبەك كوشەرباەۆ مەملەكەتتىك رامىزدەردىڭ جاستارعا پاتريوتتىق تاربيە بەرۋدەگى ماڭىزدىلىعىن ايتتى.
- مەملەكەت باسشىسى اتاپ وتكەندەي, «مەملەكەتتىك رامىزدەر-ۇلتتىڭ رۋحى مەن ساناسى, ونىڭ ەرلىگى مەن كورەگەندىلىگى, بولاشاققا دەگەن سەنىمى, ۇمتىلىستارى مەن قيلى تاعدىرىنىڭ بەينەسى». سوندىقتان, قازاقستان رەسپۋبليكاسىنىڭ مەملەكەتتىك رامىزدەرىن قۇرمەتتەۋ – ەلىمىزدىڭ ءاربىر ازاماتىنىڭ پارىزى, - دەدى ول.
جيىندا وبلىستىق ىشكى ساياسات باسقارماسىنىڭ باسشىسى تالعات ماحانوۆ ايماقتىق ۇيىمدار مەن مەكەمەلەردەگى مەملەكەتتىك رامىزدەردىڭ ستاندارتقا ساي قولدانىلۋى مەن ورنالاستىرىلۋىنداعى كەمشىلىكتەر تۋرالى باياندادى.
- مەملەكەتتىك رامىزدەرگە بايلانىستى ءتۇسىندىرۋ جۇمىستارى, سەمينارلار وتكىزىلىپ, مەملەكەتتىك رامىزدەردى ورنالاستىرۋ مەن قولدانۋدا كەمشىلىكتەردى جىبەرمەۋ جونىندە حاتتامالىق تاپسىرمالار بەرىلگەنىمەن, كەمشىلىكتەر ءالى دە قايتالانىپ كەلەدى. الداعى ۋاقىتتا مۇنداي كەتكەن كەمشىلىكتەردى تەز ارادا جويۋ جانە حالىقتىڭ كوزىنە وعاش كورسەتپەۋ ماقساتىندا انىقتالعان كەمشىلىكتەردى سۋرەتكە ءتۇسىرىپ, سالىپ وتىراتىن «Ramiz.kzo» چاتى جۇمىس جاسايتىن بولادى. وندا مەملەكەتتىك رامىزدەردى قولدانۋدا جىبەرىلگەن كەمشىلىكتەر تالقىلانىپ, مەكەمە باسشىلارىنا شۇعىل تۇزەتۋ ۇسىنىلادى جانە كەمشىلىكتى تۇزەتكەندىگى جونىندە ەسەبى دە ۇسىنىلاتىن بولادى,-دەدى وبلىستىق ىشكى ساياسات باسقارماسىنىڭ باسشىسى.
باقتيار تايجان,
«ەگەمەن قازاقستان»
قىزىلوردا وبلىسى
