اۋدان اكىمى عالىم امىرەەۆ: «بيىل جاڭاقورعان اۋدانى ءۇشىن بەرەكەلى, مەرەكەلى جىل بولدى. قامبا كۇمىس دانگە تولىپ, كوڭىل مارقايدى. مال ازىعى دا مولىنان جينالدى. جالپى بيىل 37024 گەكتارعا ەگىس ەگىلىپ, وتكەن جىلمەن سالىستىرعاندا 106,0 پايىزعا ارتتى. اۋدان بويىنشا ەگىلگەن كۇزدىك جانە جازدىق بيداي, ارپا داقىلدارىن جيناۋ جۇمىستارىن جۇرگىزىپ, ەگىلگەن كۇزدىك بيدايدىڭ ءار گەكتارىنان 21,6 تسەنتنەردەن 5845 توننا, جازدىق بيدايدىڭ ءار گەكتارىنان 18,3 تسەنتنەردەن 326 توننا, جانە ارپا داقىلىنىڭ ءار گەكتارىنان 15 تسەنتنەردەن 190,5 توننا ءونىم الىندى.
سونداي-اق, بيىلعى ەگىلگەن 7700 گەكتار كۇرىشتىڭ ءار گەكتارىنان 50 تسەنتنەردەن 38,5 مىڭ توننا ءونىم الىنىپ, وتكەن جىلمەن سالىستىرعاندا ءار گەكتاردان 1,4 تسەنتنەرگە جوعارى ءونىم الۋعا قول جەتكىزىلدى. وعان قوسا, بيىل اۋداننان 1665 توننا باقشا ونىمدەرى الىس-جاقىن شەتەلگە ەكسپورتتالدى. تۇپتەپ كەلگەندە, مۇنىڭ بارلىعى دا دالا ەڭبەككەرلەرىنىڭ ەرتەلى-كەش ەتكەن ماڭداي تەرىنىڭ جەمىسى دەپ بىلەمىز, – دەدى.
اۋدان مەرەيتويىندا ءوز سالالارى بويىنشا ۇزدىك شىققان ديقاندار مەن شارۋالار ماراپاتتالدى.
باقتيار تايجان,
«ەگەمەن قازاقستان»
قىزىلوردا وبلىسى
