«ەلدەگى بيزنەسمەندەرگە, ءىرى جانە شاعىن ساۋدا جەلىلەرىنە ۇندەۋ جاساعىم كەلەدى, ياعني ەڭبەكاقى وسكەننەن كەيىن, ولار بىردەن ءونىم باعاسىن وسىرۋمەن جارىسپاۋى كەرەك», - دەدى مينيستر پارلامەنت ءماجىلىسىنىڭ جالپى وتىرىسىنان كەيىن تىلشىلەردىڭ ساۋالىنا جاۋاپ بەرە وتىرىپ.
وسى ورايدا ت. سۇلەيمەنوۆ وتكەن جىلداردا حالىقتىڭ ناقتى تابىسى ەكونوميكا وسىمىنەن قالىس كەلگەنىن ءتۇسىندىردى.
«جالپى العاندا, ەكونوميكا ءوستى, الايدا جان باسىنا شاققانداعى كىرىستەر تەجەلىپ قالدى. ەكونوميكا وسىمىنە حالىقتىڭ ناقتى تابىسى لايىقتى بولۋى ءۇشىن ءبىز بۇل كورسەتكىشتەردى سايكەستەندىرىپ جاتىرمىز. بۇل تۇرعىدا بيزنەستىڭ الەۋمەتتىك جاۋاپكەرشىلىك تانىتقانى وتە ماڭىزدى. وسى پروتسەسس اياسىندا ولار وزدەرىنىڭ تاۋارلارىنىڭ قۇنىن نەگىزسىز وسىرىمەۋى قاجەت, سونداي-اق كورسەتىلەتىن قىزمەتتەرگە, تاريفتەرگە باعانى نەگىزسىز ارتتىرماۋ كەرەك. شىن مانىندە بۇل ماسەلە ۇكىمەتتىڭ باقىلاۋىندا تۇر. كۇن سايىن الەۋمەتتىك ماڭىزى بار تاۋارلار باعاسىنىڭ وزگەرۋىنە قاتىستى ۆەدومستۆولاردىڭ, وبلىس اكىمدەرىنىڭ ەسەپتەرى تىڭدالادى», - دەدى تيمۋر سۇلەيمەنوۆ.
ءسوز سوڭىندا مينيستر باعانىڭ نەگىزسىز ءوسۋى ورىن العان جاعدايدا وكىلەتتى ورگاندار قاتاڭ شارالار قابىلدايتىندىعىن ەسكەرتتى.
