كۇن تارتىبىنە پارتيانىڭ باعدارلامالىق پلاتفورماسىن جۇزەگە اسىرۋدا باستاۋىش ۇيىمداردىڭ ءرولىن نىعايتۋ, جاستار ساياساتىن ودان ءارى جەتىلدىرۋ ماسەلەلەرى ۇسىنىلىپ, بىرقاتار مىندەتتەر بەلگىلەندى.
فيليال توراعاسىنىڭ ءبىرىنشى ورىنباسارى ارتۋر مولداعۇلوۆ «نۇرلى جول», «نۇرلى جەر», باسقا دا اۋقىمدى جوبالار مەن الەۋمەتتىك باستامالاردى ورىنداۋدا 40 مىڭعا جۋىق تەرىسكەيلىكتى بىرىكتىرەتىن پارتيا مۇشەلەرى مەن باستاۋىش ۇيىمداردىڭ بەلسەندىلىگىنە, ۇيىمداستىرۋ شارالارىنا توقتالدى. جىل باسىنان بەرى جەتى مىڭعا جۋىق ارىز-شاعىم قارالىپ, ۇشتەن ءبىرى شەشىمىن تاپقان. ءتۇرلى رەيدتەر مەن قوعامدىق قابىلداۋلار بارىسىندا انىقتالعان كەمشىلىكتەردەن ناقتى قورىتىندى شىعارىلىپ, حالىق تابىسىنىڭ ءوسۋى,تۇرمىس ساپاسىن ارتتىرۋ جايلارىنا ەرەكشە ءمان بەرىلگەن. بالالاردىڭ ساندىق تەحنولوگيالاردى مەڭگەرۋگە باۋليتىن 11 IT سىنىپ جۇمىس ىستەيدى. «جاس وتان» جاستار قاناتى 10 مىڭنان استام بوزبالا مەن بويجەتكەندى بىرىكتىرەدى. «English for zhastar» جوباسى اۋىلدىق جەرلەردە دە جۇزەگە اسىرىلا باستادى. رۋحاني جاڭعىرۋ, سالاماتتى ۇلت, يننوۆاتسيا, تسيفرلى قازاقستان, ءبىلىم, عىلىم سالالارى بويىنشا دا بىرقىدىرۋ ىستەر اتقارىلعان.
يليا تەرەنچەنكو ءوز سوزىندە ايماقتا قۇرىلىس كەڭىنەن قانات جايعانىن, 136 ميلليارد تەڭگە ينۆەستيتسيا قۇيىلعانىن وڭ نىشان رەتىندە باعالاپ, پارتيالىق باقىلاۋدى كۇشەيتۋدى, جولداۋ مىندەتتەرىن جۇرتشىلىققا كەڭىنەن ءتۇسىندىرۋدى قاجەتتىگىن اتاپ ءوتتى.
وبلىستىق ساياسي ۇيىم جەتەكشىسى ق. اقساقالوۆ 2016 جىلى قابىلدانعان پارتيانىڭ سايلاۋالدى باعدارلاماسىندا بەلگىلەنگەن شەشىمدەردىڭ ورىندالۋىنا ەكپىن ءتۇسىرىپ, بىرقاتار مىندەتتەر جۇكتەدى. مەملەكەت ساياساتىن شاعىن ۇجىمدار مەن شالعاي اۋىلدارعا دەيىن جەتكىزۋ باستى باعدار بولۋى ءتيىس, دەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
