ەندى اتا-انالار جاڭا جۇيە بويىنشا بالا باقشاعا كەزەكتى وزدەرى قاداعالاپ, بوس ورىندى ءبىلىپ وتىراتىن بولدى. كەزەككە تۇرۋ جانە ءوزى قالاعان بالا باقشاعا جولداما الۋ ارنايى سايت ارقىلى جۇزەگە اسادى. ول ءۇشىن بالا مەن اتا-انانىڭ ءبىرىنىڭ جسن, سونىمەن قاتار حابارلاما مەن كودتى الۋ ءۇشىن ۇيالى تەلەفون نومەرىن جازسا جەتكىلىكتى.
«بۇلدىرشىندەردى بالا باقشاعا الۋدىڭ رەتى تۇبىرىمەن وزگەردى. جەتى جاسقا دەيىنگى بالالاردى بالا باقشاعا ورنالاستىرۋدى اۆتوماتتاندىرۋدىڭ مەملەكەتتىك قىزمەتى ءۇشىن قالالىق ءبىلىم بولىمىنە ۇلكەن قارجى – 17 ميلليون تەڭگە ءبولىندى» دەيدى قوستاناي قالالىق ءبىلىم ءبولىمىنىڭ باسشىسى ۆاسيلي تسىمباليۋك.
جاڭا جۇيە 1 قازاننان باستاپ جۇمىس ىستەي باستادى.
ءنازيرا جارىمبەت,
«ەگەمەن قازاقستان»
قوستاناي
