26-29 قازان ارالىعىندا سەربيانىڭ بەلگراد قالاسىندا تاەكۆوندودان حالىقارالىق تۋرنير ءوتتى. ىرىكتەۋ كەزەڭدەرىندە ەل نامىسىن قورعاعان ازيا ويىندارىنىڭ كۇمىس جۇلدەگەرى جانسەل دەنيز يسپانيا جانە سەربيا ەلىنەن كەلگەن قارسىلاستارىن جەڭىپ شىققان بولاتىن. جارتىلاي فينالدا ول فرانتسيالىق ماەۆا مەلليەرمەن كەزدەسىپ, 4:2 ەسەبىمەن باسىم ءتۇستى.
سونداي-اق,جانسەل فينالدا تاعى ءبىر فرانتسۋزدىق سولەنە ابوۋلەتەنى 5:3 ەسەبىمەن جەڭەدى.
-تۋرنير وتە جوعارى دەڭگەيدە ءوتتى. ءاربىر سپورتشى وليمپيادالىق رەيتينگتەگى ۇپايىن كوبەيتۋ ءۇشىن كەلگەنى بەلگىلى. مەن ءتورت سپورتشىمەن كەزدەسىپ, بارلىعىن جەڭدىم. وسى جولى 73 كەلىدە باق سىناعان ەدىم. قارسىلاستارىم ماعان قاراعاندا ءىرى. دەسە دە, مەن جىلدامدىقتىڭ ارقاسىندا كوپ ۇپاي جينادىم. التىن مەدالمەن قاتار, رەيتينگتە ون ۇپاي ەنشىلەگەنىمدى دە ايتقىم كەلەدى. ماعان قولداۋ كورسەتكەن بارشاڭىزعا العىسىم شەكسىز, - دەيدى جانسەل دەنيز.
ايتا كەتەيىك, اتالعان تۋرنيردەن سوڭ جانسەل 108 ۇپايمەن الەمدىك رەيتينگتە 25-ءى ورىنعا تابان تىرەدى.
