2018 جىلعى 28 قازاندا تۇركىستان وبلىسىن, استانا جانە شىمكەنت قالالارىن قوسپاعاندا, قازاقستان رەسپۋبليكاسىنىڭ 14 وڭىرىندە شىعىپ قالعان ءماسليحات دەپۋتاتتارىنىڭ ورنىنا سايلاۋ ءوتتى. سايلاۋ 83 سايلاۋ وكرۋگىندە, ونىڭ ىشىندە 12 وبلىستىق, 9 قالالىق جانە 62 اۋداندىق ءماسليحاتتاردىڭ وكرۋگتەرىندە ءوتتى.
سايلاۋعا 14 وبلىستىق, 8 قالالىق, 46 اۋداندىق, 83 وكرۋگتىك, 326 ۋچاسكەلىك سايلاۋ كوميسسيالارى جۇمىلدىرىلعان.
سايلاۋ ناۋقانى بارىسىندا دەپۋتاتتىققا 284 كانديدات ۇسىنىلىپ, ولاردىڭ ىشىنەن بارلىق دەڭگەيدەگى ماسليحاتتارعا 252 كانديدات تىركەلگەن.
7 كانديداتتى تىركەۋدىڭ كۇشىن جويعاننان كەيىن 245 كانديدات سايلاۋ بيۋللەتەندەرىنە ەنگىزىلدى.
ورتاشا باسەكەلەستىك شامامەن 1 دەپۋتاتتىق مانداتقا
3 كانديداتتان كەلەدى (2,95), داۋىس بەرۋشىلەردىڭ سانى 69,9%-دى قۇرادى.
سايلانعان ءماسليحات دەپۋتاتتارىنىڭ 66-سى ەر ادام (79,5%), 17-ءسى ايەل ادام (20,5%).
سايلانعان ءماسليحات دەپۋتاتتارىنىڭ ورتاشا جاسى – 47,4.
سايلاۋ ناۋقانى رەسپۋبليكا سايلاۋ زاڭناماسىنىڭ نورمالارىنا سايكەس ءوتتى.
باق-پەن جانە قوعامدىق بىرلەستىكتەرمەن وزارا ءىس-قيمىل جونىندەگى ءبولىم
