جاھاندىق اۋقىمدا بۇل جوبانىڭ ەكىنشى لوتىن تاپسىرۋ - ەلدىڭ اسا ماڭىزدى ەكونوميكالىق ماڭىزى بار «باتىس ەۋروپا ‒ باتىس قىتاي» حالىقارالىق كولىك ءدالىزىنىڭ تاعى ءبىر دايىن ۋچاسكەسىن العانىن بىلدىرەدى.
«اسۋمەن كەلە جاتقان ەسكى جول – ەكىنشى كاتەگورياعا جاتادى, ‒ دەيدى جوبا جەتەكشىسى شاتبەك بايسىنوۆ. بۇل اسۋدا ول كولىكتىڭ ءوسىپ كەلە جاتقان اعىنى ءۇشىن قاۋىپسىز ەمەس, سونىمەن قاتار, اسىرەسە قىسقى ۋاقىتتا بۇل جەردە ۇنەمى كەپتەلىس ورىن الادى».
I ب ساناتتاعى جاڭا جول ەندى اسۋلاردى اينالىپ ءوتىپ, كولىك جۇرگىزۋشىلەرگە ۋاقىتتى ۇنەمدەپ قانا قويماي, وزدەرىن قاۋىپسىز جانە جايلى سەزىنۋگە مۇمكىندىك بەرەدى. ونىڭ باسىم بولىگى بەتوندى, بىراق تىك بەتكەيلەر مەن بۇرىلىستار اسفالتتالعان. بۇل, اسىرەسە, قىسقى ۋاقىتتا, كولىك دوڭگەلەگىنىڭ جولمەن بىركەلكى جاناسا قوزعالۋىنا مۇكىندىك بەرەدى.
ۇزىندىعى 40 كم ەكى جولاقتى جولدىڭ اياقتالعان ۋچاسكەسى تولىق جيىنتىقتا تاپسىرىلدى: ءبولۋ جولاعى, اۆتوكولىك تۇراعىنا ارنالعان الاڭدار, ەلەكتر بەرۋ جەلىلەرى, اۆتوبۋس ايالداماسى, جول ايرىقتار, جول پاترۋلدىك بەكەتى بار. جولدىڭ ەنى 7,5 مەتر. قوزعالىستىڭ ەسەپتىك جىلدامدىعى 100-120 كم/ساع.
كليماتتىڭ قاتتى ىستىق ءارى ۇزدىكسىز جەل ەكەنىن ەسكەرگەندە, جۇمىستار وتكەن جىلدان باستاپ جۇرگىزىلدى. تابيعات بىرنەشە رەت جۇمىسقا كەدەرگى كەلتىرگەنىمەن, تاپقىر قۇرىلىسشىلار تىعىرىقتان شىعار جول تاۋىپ, وبەكتىنى ۋاقىتىندا تاپسىرا ءبىلدى.
«بەتوننىڭ وزىنە ءتان قاسيەتى بار, ‒ دەپ اتاپ ءوتتى شاتبەك بايسىنوۆ, ‒ ەگەر ونى +25 گرادۋستان جوعارى تەمپەراتۋرادا توسەسە, ول تىم تەز كەبەدى جانە بىركەلكى بولمايدى. جەل جۇمىسقا كەدەرگى كەلتىردى, سەكۋندىنا 7-10 م بولعان كەزدە ءبىز جۇمىستى توقتاتتىق.
الايدا, تاجىريبەلى كومانداعا تابيعات – ەش توسقاۋىل بولا المادى. وڭتۇستىكتىڭ جىلى كليماتىن پايدالانا وتىرىپ, مۇندا جۇمىستار ەكى اۋىسىمدا جۇرگىزىلدى, بۇل قاجەتتى قارقىن مەن ناتيجەنى قامتاماسىز ەتتى.
ەستەرىڭىزگە سالا كەتەيىك, وتكەن جىلى «كازاحدورستروي» ديۆيزيونى وسى تراسسانىڭ 40 شاقىرىمدىق ءبىرىنشى لوتىن پايدالانۋعا بەردى.
