قازاقستاندىق سپورتشى بويجەتكەندەر ءۇشىن بۇل جارىسقا قاتىسۋ حالىقارالىق دەڭگەيدەگى ءبىرىنشى تاجىريبە بولدى. قازاقستاندىق ەستەتيكالىق توپتىق گيمناستيكا فەدەراتسياسىنان اتاپ وتكەندەي, كوماندانىڭ الدىندا ۇزدىكتەر «ۇشتىگىنە» كىرۋ مىندەتى تۇرعان, سپورتشى قىزدار پاريجدە قولا مەدالدى جەڭىپ الىپ, ونى ورىنداپ شىقتى.
ەستەتيكالىق گيمناستيكا ەرەجەسى بويىنشا, سپورتشىلاردىڭ كومپوزيتسيا, قيمىل-قوزعالىس: دەنەنىڭ امبەباپ جانە ءتۇرلى قوزعالىسى, بۇرىلىستار, سەكىرۋ جانە بي قادامدارى باعالانادى. تورەشىلەر يىلگىشتىك پەن جىلدامدىقتى عانا ەمەس, كۇش پەن ۇيلەسىمدى دە باعالايدى.
