بۇل ماقسات ەلىمىزدىڭ «ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى» زاڭىنا سايكەس جەرگىلىكتى اتقارۋشى ورگانداردا بۇرىن قولدانىستا بولعان قۇرامىندا سىنابى بار ەنەرگيانى ۇنەمدەيتىن شامداردى جويۋ جۇمىستارى بويىنشا جۇرگىزىلۋدە.
- 2014 جىلدان باستاپ بۇل شارا بويىنشا جىل سايىن 20 مىڭعا جۋىق شامدار جويىلدى. ەسكىرگەن شامدى كەز كەلگەن جەرگە تاستاۋعا بولمايدى. ەگەر سىناپ سىرتقا توگىلسە, قورشاعان ورتاعا جانە ادامداردىڭ دەنساۋلىعىنا زيان كەلتىرەدى,-دەيدى ماماندار.
بيىل قۇرامىندا سىنابى بار شامداردى, قۇرالداردى جويۋعا جەرگىلىكتى بيۋدجەتتەن 2,9 ميلليون تەڭگە ءبولىنىپتى. ارنايى شارتقا سايكەس قۇرامىندا سىنابى بار شامداردى جيناۋ جانە شامداردى جويۋ جۇمىسىن «ەلەكتروترانس رەەلتو» جشس مامانداندىرىلعان كومپانياسى جۇرگىزۋدە.
كاسىپورىن ۆاكۋمداۋ ارقىلى سىناپتى جەكە ءبولىپ الىپ, شىنى قالدىقتارىن جەكە شىعارادى. جينالعان سىناپتى مەملەكەتكە تاپسىرادى. بيىل 400 مىڭنان استام شام جويىلسا, بۇدان 3 كەلى سىناپ, 20 توننا شىنى شىققان. ءبىر كەلى سىناپ الۋ ءۇشىن 1,5 جىل جۇمىس جاساۋ كەرەك ەكەن.
فاريدا بىقاي,
«ەگەمەن قازاقستان»
پاۆلودار
