تكش-نى تسيفرلاندىرۋدىڭ بىرىڭعاي تاسىلدەرىن تاڭداپ, ايرىقشا وڭتايلى شەشىمدەردى تابۋ ماقساتىندا مەملەكەتتىك ورگاندار, جەرگىلىكتى اتقارۋشى ورگاندار مەن قازاقستاندىق اT-كومپانيالار باس قوستى.
ءوزىنىڭ العى سوزىندە قر پرەمەر-ءمينيسترىنىڭ ورىنباسارى اسقار جۇماعاليەۆ تۇرعىن ءۇي-كوممۋنالدىق شارۋاشىلىعىنا تسيفرلىق تەحنولوگيالاردى ەنگىزۋدىڭ ماڭىزدىلىعىن اتاپ ءوتتى, بۇل, ەڭ الدىمەن, سالانىڭ الەۋمەتتىك ماڭىزدىلىعى مەن بىرقاتار ەكونوميكالىق فاكتورلارعا نەگىزدەلگەن.
«مەملەكەت باسشىسى حالىققا جولداۋىندا ازاماتتاردىڭ ءومىر ءسۇرۋ ساپاسىن كوتەرۋ جانە تۇرعىن ءۇي-كوممۋنالدىق شارۋاشىلىقتاعى اعىمداعى بيزنەس-ۇدەرىستەردىڭ ايقىندىلىعىن قامتاماسىز ەتۋ مىندەتىن قويدى. بۇعان تسيفرلىق قۇرالداردى پايدالانۋ ارقىلى قول جەتكىزۋگە بولادى. ماسەلەن, تەك "اقىلدى" ەسەپتەگىشتەردى ورناتۋ ارقىلى عانا ەكى بولمەلى پاتەردە جىلۋ تولەمى 36%-عا دەيىن تومەندەيدى. تۇرعىندار ءۇشىن بۇل ايتارلىقتاي ۇنەم», — دەدى ۆيتسە-پرەمەر.
سونداي-اق, ول وتاندىق ازىرلەۋشىلەردى جانە ەسەپتەگىش قۇرىلعىلارىن وندىرۋشىلەردى قولداۋ قاجەتتىگىن ايتتى.
ينۆەستيتسيالار جانە دامۋ ءمينيسترى جەڭىس قاسىمبەك, بۇل — قر يدم وتكىزىپ جاتقان سالالىق تسيفرلاندىرۋ كۇنىنىڭ ءبىرىنشى كۇنى, جانە تكش ءتارىزدى ماڭىزدى سالاعا دەر كەزىندە ارنالىپ جاتقانىن اتاپ ءوتتى. مينيستر تسيفرلىق قۇرالدار ارقىلى ءبىرىنشى كەزەكتە شەشىلۋى قاجەت بىرنەشە نەگىزگى مىندەتتەردى بەلگىلەدى, بۇلار — تۇرعىن ءۇي-كوممۋنالدىق قىزمەتتەردىڭ ساپاسىن جاقسارتۋ, تۇرعىن ءۇي قاۋىپسىزدىگىن قامتاماسىز ەتۋ, تاريفتەردىڭ قۇرالۋى مەن شىعىنداردىڭ ايقىندىلىعىن قامتاماسىز ەتۋ, سونداي-اق كوممۋنالدىق ينفراقۇرىلىمنىڭ جاعدايىن جاقسارتۋ جانە تۇتىنۋشىلارعا قىزمەت كورسەتۋ ساپاسىن جاقسارتۋ.
ء «الى دە كوپتەگەن مىندەتتەردى اتاپ شىقسا بولادى, الايدا تكش سالاسىنىڭ تسيفرلىق ترانسفورماتسياسى بارلىق مۇددەلى تاراپتاردىڭ قاتىسۋىمەن عانا مۇمكىن بولاتىندىعىن ەستە ساقتاپ, بارلىق تۇيىتكىلدى ماسەلەلەردى تەزدەتىپ جويۋ قاجەتتىگىن ەسكەرە وتىرىپ, جوسپارلى جانە ساپالى تۇردە جۇرگىزۋ كەرەك. تسيفرلاندىرۋ جاڭا دەڭگەيگە كوشۋگە, تۇرعىن ءۇي-كوممۋنالدىق شارۋاشىلىق سالاسىنا دەگەن كوزقاراستى وزگەرتۋگە جانە ونى ەكونوميكانىڭ زاماناۋي جانە قارقىندى دامىپ كەلە جاتقان سالاسى رەتىندە قابىلداۋعا مۇمكىندىك بەرەدى», — دەدى جەڭىس قاسىمبەك.
شارادا E-Shanyraq تۇرعىن ءۇي قورى مەن تۇرعىن ءۇي-كوممۋنالدىق شارۋاشىلىقتىڭ بىرىڭعاي اقپاراتتىق جۇيەسى ۇسىنىلدى. «تكش قازورتالىعى» اق باسقارما توراعاسى نۇرسۇلتان جيەنباەۆتىڭ ايتۋىنشا, جۇيەنىڭ نەگىزگى ماقساتى — حالىق مۇددەلەرى مەن العا قويىلعان مەملەكەتتىك تاپسىرمالاردىڭ تەڭگەرىمىنە قول جەتكىزۋ.
«E-Shanyraq جۇيەسى تكش سالاسىندا بىرىڭعاي اقپاراتتىق كەڭىستىكتى قالىپتاستىرۋعا جانە بارلىق سالالىق دەرەكتەردى رەسپۋبليكالىق دەڭگەيدە جۇيەلەۋگە مۇمكىندىك بەرەدى. مەملەكەت جۇيە ارقىلى سالاداعى وزگەرىستەردى ۇنەمى باقىلاپ ءارى تالداپ, پايدا بولعان ماسەلەلەردى دەرەۋ شەشەدى. جۇيە بارلىق تۇرعىن ۇيلەردىڭ تەحنيكالىق پاسپورتتارىن تسيفرلاۋدى, ولاردىڭ تەحنيكالىق جاعدايىن باقىلاۋدى كوزدەيدى. جوندەۋگە جاتاتىن ۇيلەردىڭ كەزەگى كورسەتىلەدى, كپتۇ باسقارۋ ورگاندارىنىڭ "اۋديتى" باسەكەلەستىك ورتانى قۇرىپ, تۇرعىن ءۇي-كوممۋنالدىق شارۋاشىلىعىنىڭ قىزمەت كورسەتۋ نارىعىن دامىتۋدى ىنتالاندىراتىن كومپانيا رەيتينگىن بەرۋ ارقىلى جۇزەگە اسىرىلادى», — دەدى نۇرسۇلتان جيەنباەۆ.
جيىنعا شەت مەملەكەتتەردەن دە قوناقتار شاقىرىلدى. قازان قالاسى مەرىنىڭ ورىنباسارى يسكاندەر گينياتۋللين تاتارستاننىڭ تكش-نى تسيفرلاندىرۋداعى تابىستى تاجىريبەسى تۋرالى, رەسەيلىك «گالاكتيكا» كورپوراتسياسىنىڭ ۆيتسە-پرەزيدەنتى جانە باسقارما مۇشەسى سەرگەي پەتروۆ رەسەيدەگى رەسۋرستىق جابدىقتاۋ قىزمەتىن اۆتوماتتاندىرۋدىڭ ەكونوميكالىق اسەرى تۋرالى, سونداي-اق DIEHL ترانسۇلتتىق كومپانياسىنىڭ تمد ەلدەرى بويىنشا بلوگىنىڭ باسشىسى بەاتە باحترود «اقىلدى» ەسەپتەۋىشتەر جانە ولاردىڭ تسيفرلىق الەمدەگى ءرولى تۋرالى پرەزەنتاتسياسىن ۇسىندى.
ات-ازىرلەۋشىلەر ءۇشىن قر تۇرعىن ءۇي-كوممۋنالدىق شارۋاشىلىعىن تسيفرلاندىرۋ بويىنشا وزدەرىنىڭ ازىرلەمەلەرىن ۇسىندى. سونداي-اق, كومپانيالار وزدەرىنىڭ تەحنولوگيالارىن اتالعان شارامەن قاتار ءجۇرىپ جاتقان قازاقستاندىق اT-شەشىمدەر كورمەسىندە تانىستىردى.
