جالپى 6,5 گەكتار جەر اباتتاندىرىلىپ, 10 مىڭ توننادان استام قوقىس شىعارىلعان. ال مۇنداعى كوپىردىڭ ۇزىندىعى 72 مەتر بولسا, ەنى 3 مەتردى قۇرايدى. سونىمەن قاتار, بوگەت قايتا جاڭارتىلىپ, سۋ ايدىنى 60 مەترگە دەيىن كەڭەيدى. ال مۇندا كەلىپ دەمالۋشىلار ءۇشىن 5 اققۋ, 4 ۇيرەك پەن اق امۋر جانە كارپ سياقتى بارلىعى 3000-عا جۋىق بالىق جىبەرىلگەن. اتالعان جاعالاۋدا كانالعا شىعاتىن 3 پيرس, دەمالىس ورىندارى, بالالار ويىن الاڭدارى, سپورتتىق سناريادتار مەن سۋدا جۇزۋگە ارنالعان كاتاماراندار قويىلعان. ال كانالدىڭ بويىندا ۇزىندىعى 700 مەتردى قۇرايتىن جاياۋ جۇرگىنشىلەر جولى سالىنادى.
اتالعان دەمالىس ايماعىنىڭ اشىلۋ سالتاناتىندا جامبىل وبلىسىنىڭ قۇرمەتتى ازاماتى امانگەلدى كارەنتاەۆ پەن ەڭبەك ارداگەرى وسكەنباي ماديەۆ ءسوز الىپ, بۇگىندە تاراز قالاسىنىڭ اسەم دە كورىكتى قالاعا اينالىپ كەلە جاتقانىن ايتىپ ءوتتى.
حاميت ەسامان,
«ەگەمەن قازاقستان»
جامبىل وبلىسى
