بۇل كۇنى قالا كولەمىندە كوپتەگەن نىساندار اشىلىپ, ەل يگىلىگىنە بەرىلدى. سولاردىڭ ءبىرى – جەلتوقسان كوشەسىنىڭ بويىنان اشىلعان «جەلتوقسان تولقىنى» سۋبۇرقاعى. ايتا كەتەيىك, بۇل ەلىمىزدەگى ەڭ ۇزىن سۋبۇرقاق بولىپ سانالادى.
بۇگىن تاراز تورىنەن اشىلىپ وتىرعان «جەلتوقسان تولقىنى» سۋبۇرقاعىنىڭ ۇزىندىعى 220 مەتر. ال قالا ساۋلەتىن ارتتىرعان بۇل سۋبۇرقاقتىڭ العاشقى تولقىنى 86 سانىنان باستالادى. سۋبۇرقاقتىڭ ەكى جاعىندا پىراقتىڭ, بارىستىڭ جانە سامۇرىقتىڭ مۇسىندەرى بار. ساۋلەت ونەرىنە ءتان ەرەكشەلىكتى ساقتاي وتىرىپ سالىنعان سۋبۇرقاقتىڭ اشىلۋ سالتاناتىنا دا تارازدىقتار كوپتەپ جينالدى. كوپشىلىك تولقىندار سۋبۇرقاقتىڭ سوڭىنا جەتىپ, كەرى قايتقاندا تاۋەلسىزدىكتىڭ ايشىعى كۇن مەن بۇركىتتى بەينەلەيتىن بەينەسىنە اينالىپ, ودان ءارى ەگەمەندىككە ۇلاساتىن ەرەكشەلىگىن تاماشالادى. اق ءمارمار تاستان جاسالعان سۋبۇرقاق كەلۋشىلەردىڭ قىزىعۋشىلىعىن تۋدىردى.
بۇل ورايدا بالالار الاڭشاسىندا مەرەكەلىك كونتسەرت ءوتىپ, قالانىڭ دامۋىنا ۇلەس قوسقان بىرقاتار ازاماتتار ماراپاتتالدى. ءوز كەزەگىندە «پالاۋ فەستيۆالى», وڭىردەگى ەتنومادەني ورتالىقتاردىڭ كورمەسى مەن جارمەڭكەسى ءوتتى.
حاميت ەسامان,
«ەگەمەن قازاقستان»
جامبىل وبلىسى
