الەمنىڭ 21 ەەلىنەن 100 مەرگەن باق سىناعان جارىستا قاتىسادى. ۇلتتىق ۇلاننىڭ «بۇركىت» ارنايى جاساعى دالدەپ اتۋدان كۇش سىناسىپ, ۇزدىك جەتىستىكتەرگە قول جەتكىزدى.
ايتىپ ءوتۋ كەرەك, قازاقستاندىق مەرگەندەر «كەشەندى جاۋىنگەرلىك سنايپينگ» نوميناتسياسى بويىنشا ەكىنشى ورىنعا يە بولدى. جاتتىعۋلار تاۋلى ايماقتا ءوتتى, ونىڭ بارىسىندا مەرگەندەر 10-نان باستاپ 600 مەترگە دەيىنگى ارا قاشىقتىقتا, جەتى نۇكتەدەن تاپانشا مەن مەرگەندىك مىلتىقتان وق اتتى. 37 مەرگەندىك جۇپتان تاپسىرمانى ۇزدىك ورىنداعان قىتايلىق اسكەري قىزمەتشىلەر بولدى.
توپتىق سنايپينگتە دە قازاقستاندىقتار جاقسى كورسەتكىشتەر كورسەتتە ءبىلدى. ۇلتتىق ۇلاننىڭ مەرگەندەرى دىبىستى تۇشالاپ اتۋ, باقىلاۋ جانە باعىت تابۋ, تاڭداۋلى نىسانالاردى تابۋ جانە تاۋداعى الىس قاشىقتىقتا ىزدەۋ اتىسى جاتتىعۋلارى بويىنشا 3 جانە 5 ورىندارعا تۇراقتادى.
ۇلتتىق ۇلاننىڭ «بۇركىت» ارنايى جاساعىنا تۇتقىنداردى بوساتۋ تاپسىرماسى بويىنشا جاتتىعۋدا تەڭ كەلەر قارسىلاس بولمادى. قازاقستاندىق كوماندا بارلىق ءتورت جىلجىمالى «لاڭكەس-تۇتقىن» نىساندارىن ءدال تيگىزىپ, بارلىق قاتىسۋشىلار اراسىندا ۇزدىك ناتيجەسىن كورسەتتى. بۇدان بولەك, ارنايى جاساق جاۋىنگەرلەرى ەكى وقپەن ەكى نىساندى تيگىزىپ, «وسترىي كلينوك» ارنايى جۇلدەسىن دە جەڭىپ الدى.
ايتىپ ءوتۋ كەرەك, جارىستى قىتايدىڭ حالىقتىق قارۋلانعان پوليتسياسى ۇيىمداستىردى. ونىڭ ماقساتى ءار ەلدىڭ انتيتەررورلىق كۇشتەرىنە ءبىر-بىرىنەن ۇيرەنۋگە ارنالعان تاجىريبە جيناقتاۋ جانە قارىم-قاتىناس پلاتفورماسىن قۇرۋ, حابارلاسۋ ارقىلى دەنگەيدى كوتەرۋ جانە دوستىقتى كۇشەيتۋ بولىپ تابىلادى.
بۇدان بولەك, جارىس لاڭكەستىكپەن كۇرەس سالاسىندا الەۋەتتى ءارى قاراي دامىتۋعا, سونداي-اق, مەرگەندەردىڭ جاۋىنگەرلىك دايارلىعىن جانە كاسىبي بىلىكتىلىگىن كوتەرۋگە باعىتتالعان.
انتيتەرورلىق ارنايى وپەراتسيانىڭ ەرەكشەلىكتەرىن ەسكەرە وتىرىپ, اتالمىش جارىستار 12 پاندىك ءتورت ساناتتان قۇرالدى. ونىڭ ۇستىنە, ءار ءتۇرلى جارىستار ءار جەردە ءبىر مەزەتتە وتكىزىلدى.
«وسترىي كلينوك» حالىقارالىق جارىسى قىتايدىڭ حالىقتىق قارۋلانعان پوليتسياسىنىڭ حالىقارالىق ىنتىماقتاستىقتى جۇزەگە اسىراتىن, شىنايى جاعدايعا جاقىن ەتىپ وقۋ-جاتتىعۋلاردى وتكىزۋدەن وزىندىك برەندى بولىپ تابىلادى.
ەكى جىلدا ءبىر وتەتىن «وسترىي كلينوك» جارىسى العاش رەت 2016 جىلى بەيجىڭدە 15 ەلدىڭ قاتىسۋىمەن وتكەن.
