اللەيادا ەكى مىڭ جىلدان استام تاريحى بار كونە تاراز شاھارىنىڭ تاريحىن باياندايتىن ستەللا ورناتىلىپ, وعان ء«تاڭىر» دەگەن ءسوز جازىلىپتى. سونىمەن قاتار, مۇندا جىر الىبى جامبىل جاباەۆتىڭ دومبىراسى, كۇي ءتاڭىرى ىقىلاس دۇكەن ۇلىنىڭ قوبىزى بەينەلەنگەن. سونىمەن قاتار, نەشە مىڭجىلدىقتاردان سىر شەرتەتىن تاراز توپىراعىنان دا تالاي تۇلعالاردىڭ شىققانىن بىلدىرەتىن قاۋىرسىننىڭ ورناتىلۋى كەلەر ۇرپاق ءۇشىن ۇلكەن ونەگە بولاتىنى انىق.
اتالعان نىساننىڭ لەنتاسىن جامبىل وبلىسىنىڭ قۇرمەتتى ازاماتى, «100 جاڭا ەسىم» جوباسىنىڭ جەڭىمپازى سەمبەك سەيدازىموۆ پەن تاراز قالاسىنىڭ قۇرمەتتى ازاماتى, تەمىرجول سالاسىنىڭ ارداگەرى ساعىمبەك اقشالوۆ سالتاناتتى جاعدايدا قيدى. بۇدان كەيىن بۇگىن تەمىرجول ۆوكزالى ماڭىنان اشىلىپ وتىرعان ستەللانىڭ قالا كوركىن ارتتىرىپ قانا قويماي, بولاشاق ۇرپاقتىڭ ۇلت تاريحىنا قانىعاتىن ورتالىعىنا اينالاتىنىن دا جەتكىزدى.
حاميت ەسامان,
«ەگەمەن قازاقستان»
جامبىل وبلىسى
