الماتىلىق بيزنەسمەندەر جولداۋدىڭ جاڭا مۇمكىندىكتەرى مەن پەرسپەكتيۆالىق باعىتتاردى تالقىلادى

كەزدەسۋ بارىسىندا شاعىن جانە ورتا بيزنەستى سۋبسيديالاۋ, «سالىقتىق امنيستياسىن» جۇرگىزۋ, قاراپايىم زاتتار ەكونوميكاسىن دامىتۋ, سونداي-اق ەكسپورتقا باعدارلانعان كاسىپورىنداردى, اسىرەسە وڭدەۋ ونەركاسىبىندە مەملەكەتتىك قولداۋ شارالارى قارالدى.

پرەزيدەنتتىڭ قازاقستان حالقىنا جولداۋىندا 2019 جىلدىڭ 1 اقپانىنان باستاپ شاعىن جانە ورتا بيزنەسكە ارنالعان «سالىق امنيستياسىن» جۇرگىزۋدى باستاۋ تاپسىرىلدى. بۇگىندە 66 933 ورتا جانە شاعىن بيزنەس سۋبەكتىلەرىنىڭ 01.01.2018 دەيىن جينالعان جانە وسى جىلدىڭ 1 قىركۇيەگىنە دەيىن وتەلمەگەن 152,8 ملرد تەڭگە قارىزى بار. ۇكىمەت مەملەكەت باسشىسىنىڭ تاپسىرماسىن ورىنداۋ اياسىندا 2019 جىلعى 31 جەلتوقسانعا دەيىن 80,3 ملرد تەڭگە نەگىزگى قارىزدى وتەگەن جاعدايدا 59,5 ملرد تەڭگە وسىماقى مەن 13 ملرد تەڭگە ايىپپۇلدى (72,5 ملرد تەڭگە وسىماقى + ايىپپۇلدار) ەسەپتەن شىعارۋ جۇمىسىن جۇرگىزەدى.

قر پرەمەر-ءمينيسترى باقىتجان ساعىنتاەۆ پرەزيدەنت جولداۋىندا كاسىپكەرلەردى قولداۋعا اسا ءمان بەرىلگەنىن اتاپ ءوتتى. بيزنەستى قولداۋ مەن دامىتۋدىڭ «بيزنەستىڭ جول كارتاسى–2020» مەملەكەتتىك باعدارلاماسى بيزنەستى قولداۋدىڭ نەگىزگى قۇرالى بولىپ وتىر. باعدارلامانىڭ تيىمدىلىگىن ەسكەرە وتىرىپ, ەلباسى اتالمىش باعدارلامانى 2025 جىلعا دەيىن ۇزارتۋ تۋرالى شەشىم قابىلدادى. بۇل ماقساتقا جىل سايىن قوسىمشا 30 ملرد تەڭگە بولىنبەك.

باعدارلاما اياسىندا رەسپۋبليكا بويىنشا 19 مىڭنان استام بيزنەس سۋبەكتىسىنە 406 ملرد تەڭگە كولەمىندە قولداۋ كورسەتىلگەن. الماتى وبلىسىنىڭ 1200-دەن استام كاسىپكەرى 43 ملرد تەڭگەگە قارجىلاي كومەك العان. بۇدان وزگە, باعدارلاما اياسىندا الماتى وبلىسىنىڭ 37 مىڭنان استام كاسىپكەرى وقىتىلىپ, ولارعا سەرۆيستىك قىزمەت كورسەتىلگەن.

باعدارلاما قاتىسۋشىلارىن قولداعاننىڭ ارقاسىندا الماتى وبلىسىنىڭ كاسىپكەرلەرى 89 ملرد تەڭگەگە ءونىم شىعارىپ, 23 مىڭنان استام جۇمىس ورنىن قۇرىپ, ساقتاپ قالدى. 89 ملرد تەڭگە سالىق تولەندى.

2019–2021 جىلدارى وڭدەۋ ونەركاسىبى جانە شيكىزاتتىق ەمەس ەكسپورت سالالارىن دامىتۋ ماقساتىندا پرەزيدەنت جولداۋى اياسىندا قوسىمشا 500 ملرد تەڭگە بولىنەدى. سونىمەن قاتار, يندۋستريالىق جوبالاردى نەسيەلەندىرۋگە كەمىندە 600 ملرد تەڭگە قاراستىرىلادى.

ب. ساعىنتاەۆ مەملەكەت تاراپىنان جۇيەلى تۇردە كاسىپكەرلەرگە كورسەتىلىپ كەلە جاتقان قولداۋمەن قاتار, اكىمشىلىك كەدەرگىلەردى ازايتۋ جانە زاڭنامانى جەتىلدىرۋ بويىنشا جۇمىستاردىڭ دا جۇرگىزىلىپ جاتقانىن اتاپ ءوتتى. شاعىن جانە ورتا بيزنەسكە ارنالعان «سالىقتىق امنيستياسى» تۋرالى ءسوز قوزعاعان پرەمەر-مينيستر بيزنەس وكىلدەرىن ەكونوميكانىڭ باسەكەگە قابىلەتتىلىگىن نىعايتۋعا جاۋاپكەرشىلىكپەن قاراۋعا شاقىردى.

«اتامەكەن» ۇكپ باسقارما توراعاسىنىڭ ورىنباسارى ە. جۇماعازيەۆ مەملەكەت باسشىسى جولداۋىنداعى تاپسىرمالاردى ىسكە اسىرۋ, ونىڭ ىشىندە بيزنەستى دامىتۋدىڭ تۇراقتى كوزدەرىن قالىپتاستىرۋ, جەكە ينۆەستيتسيالاردى جانە نارىقتىق ەركىندىكتى ىنتالاندىرۋ, 2025 جىلعا دەيىن بجك مەمباعدارلاماسىن ودان ءارى ىسكە اسىرۋ تۋرالى باياندادى.  ونىڭ ايتۋىنشا, الماتى وبلىسى بجك–2020 باعدارلاماسىن جۇزەگە اسىرۋدا جەتەكشى ورىن الادى. جەرگىلىكتى بيۋدجەت قۇرىلىمىندا شاعىن جانە ورتا بيزنەس ۇلەسى 53%-دى قۇراپ وتىر.

سونداي-اق, كەڭەس بارىسىندا وبلىستىڭ كاسىپكەرلەر قاۋىمىنىڭ وكىلدەرى ءسوز سويلەدى. «تەكەلى تاۋ-كەن وڭدەۋ زاۋىتى» جشس باس ديرەكتورى ب. شالباەۆ وڭدەۋ سەكتورى كاسىپورنىنا يننوۆاتسيالىق تەحنولوگيالاردى ەندىرۋ تۋرالى ايتىپ بەردى. كومپانيا جاڭا تەحنولوگيا بويىنشا كەز كەلگەن وڭدەلمەگەن, قۇرامىندا تەمىرى بار ماتەريالدى وڭدەۋدى كوزدەپ وتىر, بۇل بىردەن دايىن ءونىمنىڭ قۇنىن تومەندەتەدى. ونىڭ ايتۋىنشا, جاڭا ءوندىرىس ءوڭىردىڭ مەتاللۋرگيا سالاسىن دامىتۋعا سەرپىن بەرىپ, ونىڭ ەكونوميكالىق الەۋەتىن كەڭىنەن اشۋعا جول اشادى.

«الماتى بوياۋلارى» جشس ديرەكتورلار كەڭەسىنىڭ ءتورايىمى ر. سالىقوۆا بجك–2020 اياسىندا ۇسىنىلعان مەملەكەتتىك قولداۋ شارالارىنىڭ ارقاسىندا بيزنەستى دامىتۋ تاجىريبەسىمەن ءبولىسىپ, پرەزيدەنتتىڭ ەڭ تومەنگى ەڭبەكاقى مولشەرىن كوتەرۋ تۋرالى باستاماسىنا قولداۋ ءبىلدىردى.  

«ابدي يبراگيم گلوبال فارم» جشس باس ديرەكتورى ز. گاسانوۆ, ءوز كەزەگىندە, كومپانيانىڭ «بيزنەستىڭ جول كارتاسى» باعدارلاماسىنىڭ مەملەكەتتىك قولداۋ قۇرالدارىن الۋعا قاتىسۋعا مۇددەلى ەكەنىن جەتكىزدى.

«بيىلعى جولداۋدا قوسىمشا قاراجات ءبولۋ ارقىلى "بيزنەستىڭ جول كارتاسى" باعدارلاماسىنىڭ 2025 جىلعا دەيىن ۇزارتىلۋى ءوڭىردىڭ بيزنەس قاۋىمىنىڭ وكىلدەرىن ەرەكشە قۋانتقان شەشىم بولدى. وتاندىق بيزنەستىڭ دامۋىنا جىل سايىن 30 ملرد تەڭگە قاراستىرۋ مۋلتيپليكاتيۆتى الەۋمەتتىك-ەكونوميكالىق اسەر بەرەتىنى ءسوزسىز. بۇل بىزگە بەرىلگەن جاڭا مۇمكىندىك. ءبىز وعان قاتىسۋدى جوسپارلاپ جۇرگەن كاسىپورىنداردىڭ ءبىرىمىز», — دەدى ز. گاسانوۆ.

«جاركەنت كراحمال-سىرنە زاۋىتى» جشس ديرەكتورلار كەڭەسىنىڭ باسقارما توراعاسى زاكىرجان كۋزيەۆتىڭ ايتۋىنشا, ونىڭ كاسىپورنى مەملەكەتتىك قولداۋدىڭ قۇرالدارىن جان-جاقتى پايدالانۋ ەسەبىنەن سوڭعى بەس جىلدا جۇگەرۋ وڭدەۋ كولەمىن جىلىنا 10 مىڭنان 120 مىڭ تونناعا دەيىن ءوسىردى.

«قازىرگى تاڭدا كاسىپورىن جۇگەرى ءدانىن تەرەڭ وڭدەۋ ەسەبىنەن 27 ءونىم ءتۇرىن الادى. سىرتقى نارىقتاردا كراحمال, سىرنە, گليۋكوزا–فرۋكتوزا شىرىنى جانە ت.ب. ۇلكەن سۇرانىسقا يە. ءبىرىنشى كەزەكتە, ءبىز ىشكى نارىقتىڭ قاجەتتىلىكتەرىن قامتاماسىز ەتەمىز, قالعان ءونىم قحر-گە جانە ورتالىق ازيا ەلدەرىنە ەكسپورتتالادى», — دەدى زاكىرجان كۋزيەۆ.

ونىڭ ايتۋىنشا, بۇنىڭ بارلىعىنا وڭىرلىك دامۋ ينستيتۋتتارىنىڭ كەڭ اۋقىمدى قارجىلىق قۇرالدارىنىڭ ارقاسىندا قول جەتكىزىلدى. ولاردىڭ نەسيەلىك پورتفەلى قازىرگى تاڭدا 4 ملرد تگ اسادى.

«اlina» كومپانيالار توبىنىڭ پرەزيدەنتى ە. بالفانباەۆ قۇرىلىس بيزنەسىن دامىتۋ تۋرالى ايتىپ بەردى. «Kagazy Recycling» جشس باس ديرەكتورى ۆ. گوروبتسوۆا ءوز سوزىندە وڭىردە وڭدەۋ سالاسىن دامىتۋ كەلەشەگىنە توقتالدى. اتالعان ماسەلەلەر بويىنشا قر ينۆەستيتسيالار جانە دامۋ ءمينيسترى ج. قاسىمبەك تۇسىنىكتەمە بەرىپ ءوتتى.

سونداي-اق, ۇيعىر اۋدانىنىڭ سۋ پايدالانۋشىلار قاۋىمداستىعىنىڭ توراعاسى ا. يميروۆ ىشكى ءتۋريزمدى دامىتۋ ماسەلەسىن قوزعادى.

ء«بىزدىڭ وبلىستا تۋريزم دامۋدىڭ جاڭا دەڭگەيىنە جەتىپ, الەمدىك تۋريزم يندۋسترياسىنا جىلدام قارقىنمەن ينتەگراتسيالانۋدا. بۇل ەلىمىزدەگى بيزنەستى قولداۋ شارالارىنىڭ ارقاسىندا ورىندالىپ جاتىر. بۇعان مىسال رەتىندە مەملەكەت باسشىسىنىڭ جاقىندا الاكول كولىنىڭ جاعالاۋىنا جاساعان ساپارىنىڭ قورىتىندىسىن ايتۋعا بولادى, وندا ءوڭىردىڭ تۋريستىك ينفراقۇرىلىمىن ودان ءارى دامىتۋدىڭ نەگىزگى ماسەلەلەرى تالقىلاندى», — دەپ ا. يميروۆ, ەلباسىنىىڭ تاپسىرمالارىن تابىستى ىسكە اسىرۋ تەك الاكولدىڭ ەمەس, سونداي-اق, وبلىستىڭ باسقا دا تۋريزم نىساندارىنىڭ الەۋەتىن ارتتىراتىنىن اتاپ ءوتتى.

ايتا كەتۋ كەرەك, بىرقاتار ءىرى وڭىرلىك كاسىپورىنداردىڭ وكىلدەرى قازاقستان پرەزيدەنتىنىڭ جولداۋىن قولداۋ بەلگىسى رەتىندە وزدەرىنىڭ قىزمەتكەرلەرىنە ەڭبەكاقىنى كوتەرەتىندەرىن مالىمدەدى.