بىرقاتار كومپانيالاردىڭ باسشىلارى قىزمەتكەرلەرىنىڭ جالاقىسىنىڭ ەڭ تومەنگى مولشەرىن كوتەرۋ تۋرالى شەشىم قابىلداعاندارىن جەتكىزدى.ولاردىڭ ىشىندە «الماتى بوياۋلارى» جشس, «ابدي يبراگيم گلوبال فارم» جشس, «جاركەنت كراحمال-سىرنە زاۋىتى» جشس بار.
«الماتى بوياۋلارى» جشس ديرەكتورلار كەڭەسىنىڭ توراعاسى ريمما سالىقوۆا كومپانيانىڭ بيىلعى قاراشا ايىنان باستاپ جۇمىسكەرلەرىنىڭ جالاقىسىن كوتەرۋگە نيەتتى ەكەنىن جەتكىزدى. بۇل كاسىپورنى 2009 جىلدان بەرى جۇمىس ىستەپ كەلەدى, جول بەلگىلەرى ءۇشىن لاك-بوياۋ زاتتارى مەن جول جوندەۋ ءۇشىن ماتەريالدار شىعارادى.
«كومپانيانىڭ قالىپتاسۋىندا مەملەكەتتىك قولداۋدىڭ ءرولى زور بولدى. ءبىز "بيزنەستىڭ جول كارتاسى" باعدارلاماسىنىڭ العاشقى قاتىسۋشىلارىنىڭ ءبىرى بولدىق, زاۋىتتى جاڭعىرتۋعا نەسيە الدىق, سونىڭ ەسەبىنەن جاڭا جابدىقتار ساتىپ الىپ, جۇمىس ورىندارىن قۇردىق. قازىر بىزدە 160 جۇمىسكەر جۇمىس ىستەيدى», — دەدى ر. سالىقوۆا.
سونىمەن قاتار ول كومپانيا باسشىلىعى جۇمىسكەرلەردىڭ الەۋمەتتىك جاعدايىن كوتەرۋگە جانە ادام كاپيتالىن دامىتۋعا قاراجات سالۋعا ەرەكشە كوڭىل بولەتىنىن ايتتى.
ء«بىز ۇنەمى ءوز جۇمىسكەرلەرىمىزدىڭ جالاقىسىن كوتەرىپ وتىرۋعا تىرىسامىز. بۇگىنگى تاڭدا ءبىز بارلىق جۇمىسكەرلەرىمىزدىڭ جالاقىسىن 50%-عا كوتەردىك. ەڭبەكاقىنى تاعى كوتەرۋ كەرەك دەپ شەشتىك, ويتكەنى حالىقتىڭ ءال-اۋقاتىن شىنىمەن دە ارتتىرۋ كەرەك. ءبىز جالاقىنى تاعى 15%-عا كوتەرۋدى شەشتىك. بارلىق كاسىپوداقتار مەن بەلسەندى قاۋىمداستىقتار اۋداندارعا بارىپ, اكىمدەرمەن, كاسىپكەرلەرمەن كەزدەسىپ, بۇل ماسەلەنى تالقىلاۋى كەرەك دەپ ويلايمىن. ءارى, مەملەكەتتىڭ كومەگى بار, مىسالى, بيزنەستى قولداۋ رەتىندە سالىق امنيستياسى. جۇمىسكەرلەردىڭ الەۋمەتتىك جاعدايىن كوتەرۋ قاجەت. بۇل مىندەت بارلىق كاسىپورىنداردىڭ باسشىلارىنىڭ الدىندا تۇرۋى ءتيىس دەپ ويلايمىن», — دەدى ريمما سالىقوۆا.
بۇل ورايدا ول كاسىپورىنداعى ەڭ تومەنگى جالاقى بۇگىنگى تاڭدا 76 مىڭ تەڭگەنى قۇراپ وتىرعانىن ايتتى. قاراشا ايىندا ەڭبەكاقى تاعى 15%-عا ارتادى. بۇعان قاجەتتى قاراجات كومپانيا بيۋدجەتىندە قاراستىرىلىپ قويىلعان.
ءوز كەزەگىندە «ابدي يبراگيم گلوبال فارم» جشس باس ديرەكتورى زياتحان گاسانوۆ تا پرەزيدەنتتىڭ ەڭ تومەنگى ەڭبەكاقىنى ارتتىرۋ تۋرالى شەشىمىنە قولداۋ بىلدىرەتىنىن جەتكىزدى.
«جولداۋدا قوسىمشا قاراجات ءبولۋ ارقىلى "بيزنەستىڭ جول كارتاسى" باعدارلاماسىنىڭ 2025 جىلعا دەيىن ۇزارتىلۋى ءوڭىردىڭ بيزنەس قاۋىمىنىڭ وكىلدەرىن ەرەكشە قۋانتقان شەشىم بولدى. وتاندىق بيزنەستىڭ دامۋىنا جىل سايىن 30 ملرد تەڭگە قاراستىرۋ مۋلتيپليكاتيۆتى الەۋمەتتىك-ەكونوميكالىق اسەر بەرەتىنى ءسوزسىز. بۇل بىزگە بەرىلگەن جاڭا مۇمكىندىك. ءبىز باعدارلامانىڭ مەملەكەتتىك قولداۋ قۇرالدارىن الۋعا قاتىسۋدى جانە مۇمكىندىك بولعان جاعدايدا ونىڭ جوباسىن ازىرلەۋگە بەلسەندى تۇردە ارالاسۋدى جوسپارلاپ جۇرگەن كاسىپورىنداردىڭ ءبىرىمىز», — دەدى ز. گاسانوۆ.
زياتحان گاسانوۆ ءوز كاسىپورنىنداعى ەڭبەكاقى مولشەرلەرى تۋرالى ايتىپ بەردى: ەڭ تومەنگى ەڭبەكاقى — 120 مىڭ تەڭگەنى قۇرايدى, ورتاشا جالاقى — 353 مىڭ تگ. سونىمەن قاتار, كاسىپورىندا پرەزيدەنت جولداۋىنا قولداۋ ءبىلدىرۋ اياسىندا ەڭبەكاقى مولشەرىن قوسىمشا ارتتىرۋ تۋرالى شەشىم قابىلدانعان.
بۇدان وزگە, ءوڭىردىڭ كاسىپكەرلەر قاۋىمىنان «جاركەنت كراحمال-سىرنە زاۋىتى» جشس ديرەكتورلار كەڭەسىنىڭ باسقارما توراعاسى زاكىرجان كۋزيەۆ ءسوز سويلەدى. كاسىپورىن اۋىل شارۋاشىلىعى ونىمدەرىن وتكىزۋگە مامانداندىرىلعان. ونىڭ ايتۋىنشا, ونىمدەردىڭ 63% ورتالىق ازيا, قىتاي جانە رەسەي نارىقتارىنا ەكسپورتتالادى.
«ەلباسىنىڭ قازاقستان حالقىنا جولداۋىنداعى ءبىرىنشى تارماق حالىق تابىسىن وسىرۋگە ارنالعان. وبلىس اكىمدىگى ءتۇسىندىرۋ جۇمىستارىن جۇرگىزدى. وسىعان وراي, ءبىزدىڭ كومپانيا 1 جەلتوقساننان باستاپ ەڭبەكاقى مولشەرىن ۇلعايتادى. بۇگىنگى تاڭدا بىزدە 1200 ادام جۇمىس ىستەيدى – بۇل نەگىزىنەن اۋىلدىق ەلدى مەكەندەردىڭ تۇرعىندارى. ورتاشا جالاقى مولشەرى قازىرگى تاڭدا 114 مىڭ تەڭگەنى قۇرايدى, ەڭ تومەنگىسى – 68 مىڭ. جالپى العاندا كومپانيا توبى بويىنشا ەڭبەكاقى 1,5%-عا وسەدى, بۇل 311 قىزمەتكەرگە قاتىستى. وسىلايشا, وسى جىلدىڭ 1 جەلتوقسانىنان باستاپ ورتاشا ەڭبەكاقى 127 مىڭ تگ دەيىن, ال تومەنگىسى 80 مىڭ تگ دەيىن وسەدى», — دەپ ز. كۋزيەۆ, ەڭبەكاقىنىڭ ءوسۋى كومپانيا تابىسى ەسەبىنەن جۇزەگە اسىرىلاتىنىن ايتتى.
ءسوزىنىڭ سوڭىندا زاكىرجان كۋزيەۆ بيزنەستىڭ باسقا وكىلدەرى دە مەملەكەت باسشىسىنىڭ باستاماسىنا قولداۋ ءبىلدىرىپ, وزدەرىنىڭ قىزمەتكەرلەرىنە مۇمكىندىگىنشە ەڭبەكاقى مولشەرىن ۇلعايتاتىنىناا سەنىم ءبىلدىردى.
