كونكۋرس قازاقستاننىڭ جاڭا كوركەم بەينەلەرىن قالىپتاستىرۋدى, ءپاتريوتيزمدى نىعايتۋعا ىقپال ەتۋدى, حالقىمىزدىڭ داستۇرلەرىن ناسيحاتتاۋدى كوزدەيدى.
كونكۋرس ءتۇرلى كاسىپ يەلەرىنىڭ اراسىندا قىزىعۋشىلىق تۋعىزىپ, وعان 18-35 جاس ارالىعىنداعى جۋرناليستەر, جۇمىسشى ماماندار, مەملەكەتتىك قىزمەتشىلەر, ستۋدەنتتەر, كاسىبي جانە كاسىبي ەمەس فوتوگرافتار قاتىستى.
فوتوجۇمىستاردىڭ كوبىسى قازاقستاننىڭ استانا, الماتى, اتىراۋ, قاراعاندى, تاراز, كوكشەتاۋ, پاۆلودار, ماڭعىستاۋ, ورال, شىمكەنت, ارقالىق, قىزىلوردا, اقتاۋ سياقتى قالالارىنان, سونداي-اق اقمولا وبلىسىنان كەلىپ ءتۇستى.
فوتوكونكۋرس جەڭىمپازدارىنا ماراپاتتاۋ بارىسىندا قر تۇڭعىش پرەزيدەنتى - ەلباسى قورىنىڭ اتقارۋشى ديرەكتورى قانات جۇماباەۆ: «اسىل مۇرا» كونكۋرسىن وتكىزۋ بارىسىندا شىعارماشىل جاستاردىڭ تاراپىنان ۇلكەن قىزىعۋشىلىقتى كوردىك. ءادىل قازىلار القاسىنىڭ قاراۋىنا 180-نەن اسا جۇمىس كەلىپ ءتۇستى. تاپسىرىلعان فوتوجۇمىستار حالقىمىزدىڭ ۇلتتىق قۇندىلىقتارى مەن مۇراتتارى, سالت-ءداستۇرى, استانانىڭ سۇلۋلىعىن ايقىن بەينەلەيدى. سونىمەن قاتار كونكۋرسقا قاتىسۋشىلار ءوز جۇمىستارىندا قازاقستاندىقتاردىڭ كۇندەلىكتى ءومىرىن شىعارماشىلىقپەن كورسەتە بىلگەن», دەپ اتاپ ءوتتى.
كونكۋرستىڭ جەڭىمپازدارى بولىپ:
ەرلان وماروۆ – «استانانىڭ 20 جىلدىعى» نوميناتسياسى;
الەكسەي پوپتسوۆ, سايفۋللين فاريد – «كۇندەلىكتى ومىردەگى وقيعا»;
باقىت ساتبەك – «تۇلعالار»;
ماكسيم ستادنيچەنكو – «قازاقستان حالقىنىڭ مادەنيەتى مەن سالت-داستۇرلەرى» نوميناتسياسى بويىنشا تاڭدالدى.
جەڭىمپازدار «اسىل مۇرا» كونكۋرسىنىڭ لاۋرەاتتارى دەپ تانىلىپ, اقشالاي سىيلىققا يە بولدى.
قور جاستارعا ارنالعان باسقا دا كوپتەگەن جوبالاردى جۇزەگە اسىرۋدا. ولاردىڭ قاتارىندا جاس اقىندار مەن جازۋشىلاردىڭ «التىن توبىلعى» كونكۋرسى, جۋرناليستەر كونكۋرسى, جاس عالىمداردىڭ ۇزدىك كەڭەسى سياقتى كونكۋرستار بار. بۇل كونكۋرستاردىڭ ناتيجەلەرى اعىمداعى جىلدىڭ جەلتوقسان ايىندا شىعارىلادى.
قور شىعارماشىلىق جوبالاردى قولداۋ ءۇشىن گرانت كونكۋرسىن, عىلىم مەن ونەر سالاسىنداعى سىياقى كونكۋرسىن جانە تاعى دا باسقا ءىس-شارالاردى وتكىزەدى.
ۇلاربەك نۇرعالىم ۇلى
«ەگەمەن قازاقستان»
