– قىسقى كەزەڭدە مەنىڭ بلوگ - پلاتفورماما كەلىپ تۇسەتىن وتىنىشتەردىڭ 80 پايىزى جىلۋدىڭ دۇرىس بەرىلمەۋى, ىستىق سۋدىڭ جوق بولۋىنا جانە كوشەلەردىڭ قاردان تازالانباۋىنا بايلانىستى, - دەدى وبلىس اكىمى بولات باقاۋوۆ.
ءتىپتى, وبلىس ورتالىعىندا بيىلعى جىلۋ ماۋسىمىنا دايىن ەمەس تۇرعىن ۇيلەر دە بولىپتى. قالادا پەشپەن جابدىقتالعان 2300-دەن استام جەر ءۇي دە بار.
بىلتىر وبلىس ورتالىعىنداعى تولستوي كوشەسى, 82 ءۇيدىڭ تۇرعىندارى پاتەرلەرىندەگى تەمپەراتۋرا 14-16 گرادۋس دەڭگەيىندە عانا تۇرعانىن, جىلىتقىشتارمەن جىلىنىپ وتىرعاندارىن, كۋتۋزوۆ كوشەسى, 291 ءۇي, ءۇشىنشى كىرە بەرىستىڭ تۇرعىندارى ايازدىڭ كەسىرىنەن ءليفتتىڭ توقتاپ قالۋ قاۋپى بار ەكەنىن, كاتاەۆ كوشەسىندەگى 12 ءۇيدىڭ پاتەرلەرىندەگى تەمپەراتۋرا 18 گرادۋسقا ارەڭ جەتىپ تۇرعانىن وبلىس اكىمىنىڭ سايتىنا جازعان-دى.
سونىمەن بىرگە, وبلىس اكىمى بيىلعى جىلىتۋ ماۋسىمى باستالعاننان بەرى اكىمدىكتىڭ رەسمي بلوگ - پلاتفورماسىنا 29 شاعىم كەلىپ تۇسكەنىن ايتتى.
قازىر جەر قارا, كۇن جىلى دا, جىلۋعا وسىلاي شاعىمدار ءتۇسىپ جاتسا, ەرتەڭگى كۇنگى ايازداردا تۇرعىنداردىڭ امالى قايسى؟
– تۇرعىندار امالسىزدان مەنىڭ قابىلداۋ بولمەمە قوڭىراۋ شالادى. قالالىق كوممۋنالدىق شارۋاشىلىق ءبولىمىنىڭ جەدەل جەلىسى قوڭىراۋ قابىلدامايدى دەپ شاعىمدانۋدا,– دەدى بولات باقاۋوۆ.
ءبىز جەدەل جەلىنى شۇعىل قالا تۇرعىندارىنىڭ تۇرعىن ءۇي كوممۋنالدىق شارۋشىلىق ماسەلەلەرىن شەشۋ ءۇشىن قۇرعان جوقپىز با؟!
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ
