كۋكۋشكين بولگاريالىق گريگور ديميتروۆپەن كەزدەسىپ, 2 ساعات 23 مينۋتقا سوزىلعان باسەكەدە وتانداسىمىز 6:4, 4:6, 6:4 ەسەبىمەن قارسىلاسىنان باسىم ءتۇستى. ايتا كەتەيىك, ديميتروۆ بۇگىندە الەمنىڭ 10-راكەتكاسى سانالادى. سونداي-اق ول ۋيمبلدون دوداسى مەن اۋستراليانىڭ اشىق بىرىنشىلىگىندە جارتىلاي فينالعا دەيىن جەتىپ, اتر تۋرنيرلەرىندە 8 مارتە توپ جارعان. كۋكۋشكين قازىر الەمدىك رەيتينگتە 71 ورىنعا جايعاسقان. بۇل جەڭىسىنەن كەيىن وتانداسىمىزدىڭ رەيتينگتە جوعارىلايتىنى انىق.
ەندى ميحايل اتالعان ءتۋرنيردىڭ ەكىنشى اينالىمىندا رەسەيلىك اندرەي رۋبلەۆپەن كۇش سىناسادى. بۇل جۇپتىڭ جەڭىمپازى كەلەسى كەزدەسۋىن 26 جاستاعى ماجارستاندىق تەننيسشى مارتون فۋچوۆيچكە قارسى وتكىزەدى. ءتۋرنيردىڭ جۇلدە قورى 2 ميلليون 198 مىڭ 250 ەۋرونى قۇرايدى.
دايىنداعان ءالي بيتورە,
«ەگەمەن قازاقستان»
