2018 جىلعا ارنالعان ماكروەكونوميكالىق كورسەتكىشتەر بولجامى ناقتىلانىپ, نەگىزگى ستسەناريدە 2018 جىلى مۇنايدىڭ باعاسى باررەل ءۇشىن 55 اقش دوللاردان 60 اقش دوللارعا دەيىن ارتتى.
2018 جىلعى نومينالدى ءجىو 58 242,9 ميلليارد تەڭگە كولەمىندە باعالانادى, بۇل 2017 جىلعى ساۋىردە ماقۇلدانعان كورسەتكىشتەن سالىستىرمالى تۇردە 1 036,2 ميلليارد تەڭگەگە جوعارى. حالىقتىڭ جان باسىنا شاققانداعى ءجىو 9 114,2 اقش دوللارىن قۇرادى. ءجىو ناقتى ءوسۋى وزگەرگەن جوق جانە 103,8 پايىزدى قۇراپ وتىر.
ەكسپورت بويىنشا بولجام 2,6 ميلليارد اقش دوللارىنا ۇلعايعان جانە 56,5 ميلليارد اقش دوللارىن قۇرايدى. يمپورت كولەمى 917,5 ميلليون اقش دوللارىنا تومەندەي وتىرىپ, 33,2 ميلليارد اقش دوللارىنا دەيىن تۇزەتىلگەن.
2018 جىلعا ارنالعان رەسپۋبليكالىق بيۋدجەتتىڭ كىرىستەر بولجامى (ترانسفەرتتەر ءتۇسىمىنسىز) وزگەرىسسىز قالىپ, 5 718,2 ملرد. تەڭگەنى قۇراپ وتىر. ترانسفەرتتەر ءتۇسىمى 15,0 ميلليارد تەڭگەگە ۇلعايۋمەن جالپى سوماسى
2 933,5 ميلليارد تەڭگە كولەمىندە كوزدەلگەن.
رەسپۋبليكالىق بيۋدجەت شىعىستارى ناقتىلانعان بيۋدجەتپەن سالىستىرعاندا 12,6 ميلليارد تەڭگەگە ۇلعايۋمەن 9 655,5 ميلليارد تەڭگە سوماسىندا كوزدەلگەن.
مەملەكەت باسشىسىنىڭ ەلىمىزدەگى اكىمشىلىك-اۋماقتىق قۇرىلىستى وزگەرتۋ, شىمكەنت جانە تۇركىستان قالالارىنىڭ اكىمشىلىك مارتەبەلەرى تۋرالى جارلىعىن ىسكە اسىرۋعا بايلانىستى 29,7 ميلليارد تەڭگە بولىنەدى.
ەلباسىنىڭ 2018 جىلعى 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا ايتىلعان جەكەلەگەن تاپسىرمالارىن ورىنداۋ ماقساتىنداعى شارالار 39,4 ميلليارد تەڭگەمەن قارجىلاندىرىلادى.
پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك», ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جىل سايىنعى جولداۋلارى مەن بۇرىن قابىلدانعان مىندەتتەمەلەرى اياسىنداعى تاپسىرمالارىن ىسكە اسىرۋعا 44,5 ميلليارد تەڭگە باعىتتالادى.
قازاقستان رەسپۋبليكاسىنىڭ ۇلتتىق قورىنا تۇسەتىن تۇسىمدەردىڭ ناقتىلانعان بولجامى 2018 جىلى جوسپارداعىدان 1 133,0 ميلليارد تەڭگەگە ۇلعايۋمەن 3 138,1 ميلليارد تەڭگە سوماسىندا بەلگىلەندى.
زاڭ جوباسى پالاتانىڭ قاراۋىنا جىبەرىلدى.
