ينتەرنەت ارقىلى ارەكەت جاسايتىن الاياقتار بۇگىندە اڭعال ازاماتتاردى الداۋدىڭ جاڭا ادىستەرىن ويلاپ تاۋىپ جاتىر. سولاردىڭ ءبىرى – نەسيە راسىمدەۋگە قاتىستى بولىپ وتىر. مۇندا الاياق ءار ءتۇرلى بۇركەنشىك اتتى جامىلىپ, ينتەرنەتتە حابارلاندىرۋ ورنالاستىرادى. وندا ول استانا جانە باسقا دا قالالاردىڭ تۇرعىندارىنا ەكىنشى دەڭگەيدەگى بانكتەردە نەسيە راسىمدەۋگە كومەكتەسەتىندىگى تۋرالى ۋادە بەرەدى. حابارلاندىرۋعا قىزىعۋشىلىق بىلدىرگەن ادامعا الاياقتىڭ بانكتىك كارتاسىنىڭ دەرەكتەمەلەرى كورسەتىلگەن SMS-حابارلاما جىبەرىلەدى جانە كليەنتتىڭ تولەم قابىلەتىن راستايتىن «دۇرىس ءۇزىندى-كوشىرمە» الۋ ءۇشىن «بەلگىلى ءبىر سىياقى» اۋدارۋ تالاپ ەتىلەدى. سودان كەيىن وسى SMS-حابارلامادا كورسەتىلگەن «بجزق» اق بولىمشەلەرىنىڭ بىرىندە قور قىزمەتكەرى «دۇرىس ءۇزىندى-كوشىرمەنى» بەرەدى-مىس.
زەينەتاقى قورى قازاقستان ازاماتتارىنىڭ زەينەتاقى جيناقتارى تۋرالى انىقتامانى قوردىڭ كەز كەلگەن بولىمشەسىنە كەلۋ ارقىلى, سونىمەن قاتار ەلەكتروندىق پوشتا, قور سايتى, «بجزق» اق ۇيالى قوسىمشاسى جانە egov.kz ەلەكتروندىق ۇكىمەتى بويىنشا تەگىن الاتىندىقتارىن تاعى دا ەسكەرتەدى.
قازىرگى ۋاقىتتا بجزق ورىن العان دەرەكتەرگە قاتىستى مالىمەتتەردى پروتسەسسۋالدىق شەشىم قابىلداۋ ءۇشىن قۇقىق قورعاۋ ورگاندارىنا جولدادى.
ايناش ەسالي,
«ەگەمەن قازاقستان».
الماتى
