كونفەرەنتسيا جۇمىسىن وبلىس اكىمى ەرلان قوشانوۆ اشىپ, جۇرگىزىپ وتىردى.
ارقا توسىندەگى القالى جيىنعا باۋىرلاس تۇركيا, ءازىربايجان, قىرعىزستان ەلدەرىنىڭ جانە رەسپۋبليكامىزدىڭ ءتىل تانۋ عىلىمىنىڭ ەسىمدەرى كەڭىنەن تانىمال ماماندارى, ادەبيەتتانۋشىلارى, تاريحشىلارى, حالىقارالىق ۇيىمداردىڭ باسشىلارى, بەلگىلى قوعام قايراتكەرلەرى, ءتىل جاناشىرلارى, جوعارى وقۋ ورىندارىنىڭ پروفەسسورلارى, وقىتۋشىلار, ماگيسترانتتار, ستۋدەنتتەر, جەرگىلىكتى اتقارۋشى ورگانداردىڭ وكىلدەرى قاتىستى.
مارتەبەلى مەيماندار اراسىندا حالىقارالىق «تۇركسوي» تۇركى مادەنيەتى مەن ونەرىن دامىتۋ ۇيىمىنىڭ باس xاتشىسى دۇيسەن قاسەيىنوۆ, حالىقارالىق تۇركى اكادەمياسىنىڭ پرەزيدەنتى, تاريح عىلىمدارىنىڭ دوكتورى, پروفەسسور دارحان قىدىرالى, قازاقستان رەسپۋبليكاسى ءبىلىم جانە عىلىم مينيسترلىگىنىڭ اxمەت بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى, ۇلتتىق عىلىم اكادەمياسىنىڭ كوررەسپوندەنت-مۇشەسى, فيلولوگيا عىلىمدارىنىڭ دوكتورى, پروفەسسور ەردەن قاجىبەك, قازاقستان رەسپۋبليكاسى ءبىلىم جانە عىلىم مينيسترلىگىنىڭ اxمەت بايتۇرسىن ۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى, ۇلتتىق عىلىم اكادەمياسىنىڭ اكادەميگى, فيلولوگيا عىلىمدارىنىڭ دوكتورى, پروفەسسور ومىرزاق ايتباي ۇلى بولدى.
سونىمەن قاتار, كونفەرەنتسيادا انكارا قالاسىنىڭ گازي ۋنيۆەرسيتەتىنىڭ پروفەسسورى, تۇركىتانۋ ورتالىعىنىڭ ديرەكتورى, فيلولوگيا عىلىمدارىنىڭ دوكتورى حۋليا كاساپوگلۋ چەنگەل, قىرعىزستاننان حالىقارالىق تۇركى اكادەمياسىنىڭ باس عىلىمي قىزمەتكەرى, پروفەسسور قادىرالى قونقوباي, ءازىربايجان مەملەكەتتىك پەداگوگيكالىق ۋنيۆەرسيتەتىنىڭ پروفەسسورى, فيلولوگيا فاكۋلتەتىنىڭ دەكانى, فيلولوگيا عىلىمدارىنىڭ دوكتورى بۋلۋدحان ازيزوگلۋ حاليلوۆ مازمۇندى بايانداما جاسادى.
كونفەرەنتسيانىڭ سوڭىنا تامان حالىقارالىق «تۇركسوي» تۇركى مادەنيەتى مەن ونەرىن دامىتۋ ۇيىمىنىڭ باس xاتشىسى دۇيسەن قاسەيىنوۆ تۇركى دۇنيەسى مەن ۇلت رۋحانياتىنا سىڭىرگەن ەڭبەگى ءۇشىن ءبىر توپ عالىمدى ارنايى مەدالمەن ماراپاتتادى. ولاردىڭ اراسىندا حالىقارالىق تۇركى اكادەمياسىنىڭ پرەزيدەنتى, «ەگەمەن قازاقستان» گازەتىنىڭ باسشىسى دارحان قىدىرالى دە بولدى.
جيىن سوڭىندا ءىسلام جارىلعاپوۆتىڭ اعايىنى, قاراعاندى وبلىستىق ءماسليحاتىنىڭ دەپۋتاتى عازىم جارىلعاپوۆ كونفەرەنتسياعا قاتىسۋشىلارعا اۋلەت اتىنان العىس ايتتى.
قايرات ءابىلدا,
«ەگەمەن قازاقستان»
قاراعاندى
