«نۇرلى جەر» باعدارلاماسى بويىنشا تۇرعىن ءۇي قۇرىلىس جيناق بانكى ارقىلى سالىنىپ جاتقان نىساندار تۋرالى اقپاراتتى baspana.kz پورتالىنان تولىق بىلۋگە بولادى. قولجەتىمدى تۇرعىن ۇيدەن ۇمىتكەر جەكە كابينەتىنە كىرىپ, ءوزى پاتەر العىسى كەلەتىن نىساندى تاڭداپ, ۇناعان پاتەردى كورسەتىپ, تۇرعىن ءۇي ساتىپ الۋشىلار پۋلىنا قاتىسۋ ءۇشىن ءوتىنىش بەرەدى.
سول سياقتى تۇرعىن ءۇي قۇرىلىس جيناق بانكى سالىمشىلارى مەملەكەتتىك باعدارلامالاردان بولەك ء«وز ءۇيىم» اتتى بانكتىڭ جەكە باعدارلاماسى بويىنشا, سونداي-اق ۇلەستىك قۇرىلىسقا قاتىسۋ ارقىلى باسپانا ساتىپ الا الادى.
قازىر تۇرعىن ءۇي قۇرىلىس جيناق بانكىندە 1,2 ميلليوننان استام شوت بار. جىل باسىنان بەرى 285 197 جاڭا دەپوزيت اشىلعان. بارلىق قازاقستاندىقتاردىڭ اراسىندا ۇيگە دەپ اقشا جيناۋدا الماتىلىق سالىمشىلار ەڭ بەلسەندى بولىپ تۇر. ستاتيستيكاعا سايكەس, ءاربىر 10-شى الماتىلىقتا تۇرعىن ءۇي قۇرىلىس جيناق بانكىندە سالىم بار. الماتى بويىنشا بارلىعى 169 000 دەپوزيت تىركەلگەن. وسى ۋاقىتقا دەيىن 25 مىڭنان استام ادام تۇرعىن ءۇي قۇرىلىس جيناق بانكى ارقىلى الماتى قالاسىنان ءۇي العان. جىل باسىنان بەرى الماتى قالالىق فيليال قىزمەتكەرلەرى ءۇي الۋعا دەپ 4 000 مىڭداي زاەم رەسىمدەدى.
ايناش ەسالي,
«ەگەمەن قازاقستان»
الماتى
