ينۆەستيتسيالىق كليماتتى جاقسارتۋ مەن قازاقستان ەكونوميكاسىنا شەتەلدىك ينۆەستيتسيالاردى تارتۋ بويىنشا جۇرگىزىلىپ جاتقان جۇمىستار تۋرالى بايانداعان ج. قاسىمبەك, بيىل 9 ايدا نەگىزگى كاپيتالعا سالىنعان ينۆەستيتسيالاردىڭ جالپى كولەمى 21,6%-كە ارتىپ, 7,5 ترلن تەڭگەنى قۇراعانىن جەتكىزدى. (2017 جىلدىڭ 9 ايى بويىنشا - 5,7 تريلليون تەڭگە).
«تاۋ-كەن ونەركاسىبىندە (41,4%-كە), قۇرىلىستا (37,1% -كە) جانە وڭدەۋ ونەركاسىبىندە (26,4%) ءوسىم بايقالادا. رەسپۋبليكالىق دەڭگەيدە ينۆەستيتسيالاردىڭ باسىم بولىگى اتىراۋ (35,8%), استانا (9,2%), الماتى (6,5%) سياقتى وڭىرلەرگە تيەسىلى. ينۆەستيتسيالاردىڭ ءوسىمى كوپتەگەن وڭىرلەردە بايقالادى.سولاردىڭ ىشىندەگى ءۇش كوشباسشى وڭىرگە شىمكەنت قالاسى 2,8 ەسە, اتىراۋ قالاسى 35,6% جانە قاراعاندى وبلىسى - 28,5% كورسەتكىشكە قول جەتكىزىپ وتىر. اتالعان مەرزىم ارالىعىندا الماتى (0,5%) مەن جامبىل (3,4%) وبلىستارىندا ينۆەستيتسيا ءوسىمى ازايعان, ال, تۇركىستان (9,2%) وبلىسىندا تومەندەۋ بايقالدى»,- دەدى ينۆەستيتسيالار جانە دامۋ ءمينيسترى.
ايتا كەتەرلىگى, بيىلعى ءبىرىنشى جارتىجىلدىقتىڭ قورىتىندىسى بويىنشا تىكەلەي شەتەلدىك ينۆەستيتسيالاردىڭ جالپى كولەمى 15,4%-كە ۇلعايىپ, 12,3 ملرد دوللاردى قۇرادى. بۇل كورسەتكىش بىلتىرعى 1-ءشى جارتىجىلدىقتا 10,5 ملرد اقش دوللارى شاماسىندا بولعان ەدى.
مينيسترلىك كەلتىرگەن مالىمەت بويىنشا جالپى سوماسى 1,4 ملرد دوللار بولاتىن 12 جوبا ىسكە اسىرىلۋ ساتىسىندا, بيىل ونىڭ ىشىندەگى قۇنى 1 ملرد دوللار بولاتىن 8 جوبا قارقىندى تۇردە ىسكە اسىرىلىپ جاتىر.
ماڭىزدى جوبالاردىڭ ىشىندە ينۆەستيتسيا كولەمى - 83 ملن دوللاردى قۇرايتىن تەحنيكالىق گاز وندىرەتىن نەمىستىڭ Linde Group كومپانياسىن, ينۆەستيتسيا كولەمى - 165 ملن دوللاردى قۇرايتىن كارتوپ وڭدەيتىن گوللانديالىق فيرمانى, ينۆەستيتسيا كولەمى - 70 ملن دوللاردى قۇرايتىن جوعارى ساپالى اك وندىرەتىن بەلگيالىق Carmeuse Group كومپانياسىن, ينۆەستيتسيا كولەمى - 220 ملن دوللار بولاتىن سودا ك ۇلىن وندىرەتىن تۇرىكتىڭ Yildirim Holding كومپانياسىن, ينۆەستيتسيالارىنىڭ كولەمى - 194 ملن دوللار بولات قۇبىرلارىن شىعاراتىن قىتايدىڭ CNPC جانە تسەمەنت وندىرەتىن China Gezhouba Cem كومپانيالارىن اتاۋعا بولادى.
