فوتو: hi-news.ru
ەكسپەريمەنت ۆەست-پوينتتاعى اقش اسكەري اكادەمياسىنىڭ بازاسىندا ءوتتى. ءدارىس بارىسىندا Bina48 روبوتى ۋنيۆەرسيتەت وقىتۋشىلارىنىڭ ءبىرى ۋيليام بارريمەن بىرگە شامامەن 100 تىڭداۋشى بولاتىن اۋديتوريا ءۇشىن فيلوسوفيا پانىنەن ءدارىس وقىدى.
ء«بىز بۇل ەكسپەريمەنت ارقىلى Bina48 روبوتىنىڭ مۇمكىندىكتەرىن سىناعىمىز كەلدى. ءدال وسىنداي روبوتتار ستۋدەنتتەردىڭ قىزىعۋشىلىعىن ارتتىرا الا ما دەگەن سۇراقتارعا جاۋاپ ىزدەدىك», دەدى ۋيليام بارري
ءدارىس باستالار الدىندا Bina48 روبوتىنىڭ جادىنا سوعىس, ساياسات, فيلوسوفيا تەوريالارى مەن ساباق جوسپارى تۋرالى دەرەكتەر جۇكتەلدى. سونداي-اق روبوتقا ينتەرنەتتەن الىنعان ماتەريالداردى پايدالانۋعا تىيىم سالىندى. ويتكەنى ول ۋيكيپەديا مەن ستەنفورد ەنتسيكلوپەدياسىن وڭاي بايانداي الادى.
ء«بىز روبوتتىڭ ساباق بەرۋى ويىن-ساۋىق سيپاتتا وتە مە دەپ ويلاعان ەدىك. الايدا ءدارىس وقۋ جوسپارى بويىنشا ويداعىداي ءوتتى. ستۋدەنتتەر ساباق بارىسىندا تاقىرىپقا قاتىستى سۇراقتار قويدى. ال Bina48 روبوتى ەش قيىندىقسىز بارلىق قويىلعان سۇراقتارعا جاۋاپ بەردى», دەيدى زەرتتەۋشىلەر.
