قر قك 293 باپ 2 تارماق جانە 107 باپ 2 تارماق بويىنشا سوتقا دەيىنگى تەرگەۋ جۇرگىزىلۋدە.
«قىلمىستىق ءىستىڭ ماتەريالدارى بويىنشا, قاقتىعىستىڭ سەبەبى قوناق ءۇي كۇزەتشىسى جوعارىدا اتالعان مەكەمەگە ىشىمدىككە تويىپ العان ەكى ەر ادامدى كىرگىزۋگە باس تارتقاندىعىنان تۋىنداعان. بۇزاقىلار جانجال شىعارىپ, ارتىنشا كۇزەتشىنى ۇرا باستاعان. ناتيجەسىندە, جابىرلەنۋشى – 1989 جىلى تۋىلعان ا. ەسىمدى ازامات مۇرىن جانە قولدىڭ سىنىقتارىمەن اۋرۋحاناعا جەتكىزىلدى. ء«ىزىن سۋىتپاي» جەدەل-ىزدەستىرۋ ءىس-شاراسى بارىسىندا ەكى كۇدىكتى ۇستالدى. ول – 1993 جىلى تۋىلعان الماتى قالاسىنىڭ تۇرعىنى ل. ەسىمدى ازامات جانە 1990 جىلعى رەسەي فەدەراتسياسىنىڭ تۇرعىنى د. ەسىمدى ازامات. ەكى كۇدىكتى دە ۋاقىتشا ۇستاۋ يزولياتورىنا قامالدى. تەرگەۋ جالعاسۋدا», دەپ ايتتى, الماتى قالاسى بوستاندىق اۋداندىق پوليتسيا باسقارماسى باستىعى, پوليتسيا پودپولكوۆنيگى داۋرەن ۋتەباەۆ.
ءوندىرىس شەڭبەرىندە سوت-مەديتسينالىق ساراپتاماسى تاعايىندالدى. وسى ساراپتامانىڭ قورىتىندىسى بويىنشا قىلمىستىق ءىستىڭ ماتەريالدارى سوتقا جىبەرىلەدى.
