سونىڭ ىشىندە قازتالوۆ اۋدانىنداعى «فومين» جانە بوكەيوردا اۋدانىنداعى «مولودوست» جەڭىلدەتىلگەن وتكىزۋ پۋنكتتەرىنىڭ مارتەبەسىنە قاتىستى ماسەلە وزەكتى بولىپ وتىر ەكەن. سەبەبى بۇگىنگى قولدانىلىپ جاتقان جەڭىلدەتىلگەن وتكىزۋ پۋنكتتەرى شەكاراعا جاقىن ورنالاسقان ەكى ەلدىڭ تۇرعىندارى ءۇشىن بارىپ-قايتۋ ماسەلەسىن عانا قامتىپ, كاسىپكەرلىكتى دامىتۋ ماسەلەلەرىندە قيىندىقتار تۋىنداپ جاتىر.
2016 جىلدىڭ قازان ايىندا وتكەن قازاقستان مەن رەسەي اراسىنداعى ءحىىى ايماقارالىق ىنتىماقتاستىق فورۋمىندا قازاقستان رەسپۋبليكاسىنىڭ پرەزيدەنتى ن.نازارباەۆ قازاقستان-رەسەي شەكاراسىنداعى باقىلاۋ-وتكىزۋ بەكەتتەرىن جاڭعىرتۋ, سونداي-اق «فومين» جانە «مولودوست» جەڭىلدەتىلگەن وتكىزۋ پۋنكتتەرىنىڭ مارتەبەسىن ەكىجاقتى اۆتوموبيل وتكىزۋ پۋنكتتەرى ەتىپ وزگەرتۋ تۋرالى تاپسىرما بەرگەن بولاتىن. وسى اتالعان تاپسىرمانى ورىنداۋ ماقساتىندا باتىس قازاقستان وبلىسىنىڭ اكىمدىگى مۇددەلى ورتالىق مەملەكەتتىك ورگاندارمەن بىرلەسە وتىرىپ, بىرقاتار جۇمىس جۇرگىزدى. وسى ماسەلە بويىنشا رەسەي فەدەراتسياسىنىڭ مۇددەلى ورگاندارىنىڭ كەلىسىمى كۇتىلگەن ەدى, الايدا رەسەي شەشىم قابىلداۋدى كەيىنگە قالدىرىپ وتىر.
اتالعان ماسەلەنى تەزىرەك شەشۋ مەملەكەتارالىق ىنتىماق-
تاستىقتى ءارى قاراي جالعاستىرۋعا جانە ەكى ەل تۇرعىندارى قارىم-قاتىناسىنىڭ جاقسارۋىنا, كاسىپكەرلىكتى دامىتۋعا, ەكونوميكانىڭ وسۋىنە ءوز ىقپالىن تيگىزەرى ءسوزسىز.
بيىل ەكى ەلدىڭ اراسىنداعى ماڭگىلىك دوستىق پەن وداقتاستىق تۋرالى دەكلاراتسياعا قول قويىلعانىنا جيىرما جىل تولىپ وتىر. وسى ورايدا, ءبىز كوتەرىپ وتىرعان ماسەلە دە وڭ شەشىم تاپسا, قارىم-قاتىناسىمىزعا جاڭا سەرپىن بەرەر ەدى.
ءبىز وسى ماسەلەنى ۇكىمەت باسشىسى ب.ساعىنتاەۆتىڭ اتىنا دەپۋتاتتىق ساۋال جولداپ, ماسەلەنىڭ وڭ شەشىلۋىنە ىقپال ەتۋىن سۇرادىق.
ناريمان تورەعاليەۆ,
سەنات دەپۋتاتى
