ەكىباستۇزداعى «دوستىق ۇيىندە» 12 ەتنومادەني بىرلەستىك جۇمىس ىستەۋدە. ەتنو-مادەني بىرلەستىكتەردىڭ «دۋلكىن», «گيۋزال-اي», «سلاۆيانوچكا», «سۆىتانوك», «مارشو», «بوياحاد», «زودورينكا» سياقتى ونەر ۇجىمدارى قالادا وتەتىن بارلىق مادەني مەرەكەلىك شارالاردان قالمايدى.
قازاق ءتىلىن وقىپ-ۇيرەنۋ ەتنو-مادەني بىرلەستىك مۇشەلەرىن پاتريوتتىق رۋحتا تاربيەلەۋگە ىقپال ەتەدى. ءار ەتنو-مادەني بىرلەستىكتە مەملەكەتتىك تىلدە قارىم-قاتىناس جاساۋعا, ءوز انا ءتىلىن وقىپ ۇيرەنۋگە بارلىق جاعداي جاسالعان. وزدەرىنىڭ ۇلتتىق سالت-داستۇرلەرىن جاڭعىرتۋ ەتنو-مادەني بىرلەستىكتەرىنىڭ مۇشەلەرىن بىرىكتىرەدى. ەتنو-مادەني بىرلەستىك قالاداعى ء«ۇمىت» بالالار ۇيىمەن, ورتا ارناۋلى جانە جوعارى وقۋ ورىندارمەن بىرلەسە مادەني شارالار وتكىزەدى.
وتكەن جىلى «دوستىق» ۇيىندە «پولونيا» اتتى پولياكتار بىرلەستىگى بالالار ءانسامبلى قۇرىلدى. «ۆوزروجدەنيە» نەمىستەر مادەني ورتالىعى نەمiس تiلiنiڭ زەرتتەلۋiنە كوڭىل بولىنەدi. نەمiس تiلiن ۇيرەتۋگە جۇمسالاتىن شىعىنداردى گەتە اتىنداعى نەمiس مادەنيەت ورتالىعى تولەيدi.
«براتستۆو» اتتى سلاۆيان ورتالىعى جىل سايىن «سلاۆيان جازباسى مەن مادەنيەتىنىڭ كۇندەرىن» وتكىزەدى. تاتار-باشقۇرتتاردىڭ «شاتلىق» بىرلەستىگى «سابانتوي» ويىن-ساۋىق كەشتەرىنە شاقىرادى. شەشەن-ينگۋشتاردىڭ «ۆايناح» جانە ازەربايجانداردىڭ «ازەربايجان» بىرلەستىكتەرىندە ورازا ايىندا مۇمكىندىكتەرى شەكتەۋلى بالالارعا «دوستىق» ۇيىندە قايىرىمدىلىق اس بەرىلەدى. ۋكراينداردىڭ «سۆىتانوك» بىرلەستىگىنىڭ جانىندا «دۋدارىكي» بالالار ءانسامبلى مەن «سۆىتانوك» حورى ءان سالادى. كورەيلەردىڭ «چوسون» جانە ەۆرەيلەردىڭ «بەياحات» بىرلەستىكتەرى ورتاق ىسكە جۇمىلعان.
وبلىستىق اسسامبلەيا جانىنداعى قوعامدىق كەلىسىم كەڭەسىنىڭ توراعاسى يدايات ابدىحالىقوۆتىڭ ايتۋىنشا, اسسامبلەيانىڭ وبلىستىق فيليالى بۇل كۇندەرى وڭىردەگى اۋدانداردى, قالاداعى كاسىپورىنداردى ارالاپ, كەزدەسۋ وتكىزۋدە. ەلباسى جولداۋى – باستى تاقىرىپ. تاقىرىپ جۇگى سالماقتى. قوعامدىق كەلىسىم كەڭەسىنىڭ وكىلدەرى العاشقى كەزدەسۋلەرىن ءوندىرىستى قالا ەكىباستۇزدان باستادى.
كەنشىلەر قالاسىنا كەلگەن فيليال وكىلدەرىن قالا اكىمى نۇرجان اشىمبەتوۆ قارسى الدى. بارلىعى دا قالالىق اكىمدىكتە وتكەن جالپى جيىن بارىسىندا باس قوستى. قوعامدىق كەلىسىم كەڭەسى, مەدياتسيا ماماندارى بىرلەسىپ كەڭەسكە كەلگەن كىشى اسسامبلەيا وكىلدەرىنە بيىلعى جولداۋ جاڭالىقتارىن تالقىلاپ, وزدەرىنىڭ جىل بويى اتقارعان جۇمىستارى جايلى ەسەپ بەردى.
جيىندا وبلىستىق فيليال توراعاسىنىڭ ورىنباسارى سەيسەنباي جەتپىسباەۆ ءسوز سويلەپ, ەلىمىزدەگى بۇگىنگى كۇننىڭ جارقىن جەتىستىكتەرى – ەلدىك پەن بىرلىكتىڭ, تۇسىنىستىكتىڭ, تاتۋلىقتىڭ بەرەكەسى ەكەنىن ايتىپ ءوتتى. وڭىردەگى اسسامبلەيانىڭ 13 فيليالى بار بولسا, وبلىستىڭ قالا, اۋدان ورتالىقتارىندا, اۋىلداردا 83 ەتنو-مادەني بىرلەستىك جانە وبلىس ورتالىعىندا 24 ەتنو-مادەني بىرلەستىك جۇمىس ىستەۋدە.
جولداۋدا ەلباسى ء«بىز قاشاندا زامان سىنىنا تەگەۋرىندى ءىس-قيمىلمەن توتەپ بەرىپ كەلەمىز. بۇل – ەڭ الدىمەن ەل ىنتىماعىنىڭ ارقاسى. «ىنتىماقتى ەلدىڭ ىرىسى مول», دەيدى حالقىمىز. بۇگىنگى كەزەڭنىڭ دە تالابى وڭاي ەمەس. بىرلىگىمىز مىزعىماسا, ىنتىماعىمىز ىدىراماسا, ءبىز ءۇشىن الىنبايتىن اسۋ, باعىنبايتىن بەلەس بولمايدى» دەپ ايتىپ ءوتتى سەيسەنباي جەتپىسباەۆ. – ولاي بولسا, بىزدەر دە وسى تالاپقا ساي بىرلىكتە, ىنتىماقتا جۇمىس ىستەۋىمىز قاجەت.
رۋحاني كەلىسىم كۇنى ەتنو-مادەني بىرلەستىكتەر ونەر ۇجىمدارىنىڭ كونتسەرتىمەن اياقتالدى.
فاريدا بىقاي,
«ەگەمەن قازاقستان»
ەكىباستۇز
