فۋتبول • 17 قازان، 2018

قازاقستان قۇراماسى ۇلتتار ليگاسىندا العاشقى جەڭىسىنە قول جەتكىزدى

173 رەتكورسەتىلدى

فۋتبولدان قازاقستان ۇلتتىق قۇراماسى ۋەفا-نىڭ جاڭا ۇلتتار ليگاسى تۋرنيرىندە جانە باس جاتتىقتىرۋشى ستانيمير ستويلوۆ قول استىندا العاش رەت رەسمي ويىندا جەڭىسكە جەتتى. ەلورداداعى «استانا ارەنا» ستاديونىندا وتكەن كەزدەسۋدە وتانداستارىمىز پيرەنەي تۇبەگىنەن كەلگەن اندوررا قۇراماسىنىڭ قاقپاسىنا جاۋاپسىز ءتورت گول سوقتى.

اندورراعا قارسى كەزدەسۋ الدىندا باس باپكەر ستانيمير ستويلوۆ جۋرناليستەرگە ارنالعان ءباسپاسوز ءماسليحاتىنا قاتىسىپ، ويىن الدىنداعى ءبىراز جوسپارىمەن ءبولىستى. جيىن بارىسىندا ستويلوۆ لاتۆياعا قارسى وتكەن ماتچتا الاڭداعى ءىس-قيمىلى كوڭىلىنەن شىقپاعان بىرنەشە فۋتبولشىنىڭ بار ەكەنىن العا تارتىپ، استاناداعى ويىنعا جاس ويىنشىلاردى شىعارىپ، ولاردى دا سىناقتان وتكىزىپ الاتىنىن ايتقان ەدى. ماتچقا بىرنەشە ساعات قالعاندا قازاقستان قۇراماسىنىڭ ويىنشىلار ءتىزىمى شىعىسىمەن قۇرامدا بىرقاتار وزگەرىس بار ەكەنىن بايقادىق.

لاتۆياعا قارسى كەزدەسۋدە قوسالقى قۇرامدا بولعان عافۋرجان سۇيىمباەۆ، يۋري لوگۆينەنكو، سەرىكجان مۇجىقوۆ، ەركەبۇلان سەيداحمەت جانە باۋىرجان تۇرىسبەك بۇل جولى ءبىرىنشى مينۋتتان باستاپ نەگىزگى قۇرامدا الاڭعا شىقتى. قالعان فۋتبولشىلار نەگىزگى قۇرامداعى ورنىن ساقتاپ قالدى. دميتري شومكو قوسالقى قۇرامنان ورىن العان سوڭ، قازاقستان قۇراماسىن كاپيتان رەتىن باۋىرجان يسلامحان باستاپ شىقتى. ەندى قۇراما كاپيتانى يسلامحان بولادى دەپ ۇمىتتەنگەن فۋتبول جانكۇيەرلەرىنە ستويلوۆ ماتچتان كەيىن «قۇرامادا كاپيتان بىرەۋ، ول –  دميتري شومكو. ۆيتسە-كاپيتان – باۋىرجان يسلامحان»، دەپ مالىمدەدى.

ەكى كوماندا اراسىنداعى كەزدەسۋدىڭ العاشقى مينۋتتارىندا قۇرامالار ءبىر-ءبىرىن الىستان بايقاسىپ، قاتە جىبەرۋىن كۇتتى. دەگەنمەن اراگىدىك شابۋىلشىلارىمىز الىستان سوققى باعىتتاپ، اندوررا قاقپاشىسىنىڭ شەبەرلىگىن بايقاپ كورۋگە تىرىستى. ويىننىڭ 21-مينۋتىنا كەلگەندە وتانداستارىمىزدىڭ العاشقى قاۋىپتى شابۋىلى بىردەن گولعا اينالدى. باۋىرجان يسلامحاننىڭ قاپتالدان كوتەرگەن پاسىنا رەسەيدىڭ «ۋفا» كومانداسىندا دوپ تەبەتىن ەركەبۇلان سەيداحمەت ءبىرىنشى جەتىپ، قازاقستان قۇراماسىن ەسەپتە الا شىعاردى.

بۇل 18 جاستاعى ەركەبۇلاننىڭ ۇلتتىق قۇراما ساپىنداعى تۇڭعىش رەسمي گولى بولدى. بۇعان دەيىن ناۋرىز ايىندا ۆەنگريا قاقپاسىنا گول سوققانىمەن، ول ماتچ جولداستىق كەزدەسۋ بولاتىن. ءبىرىنشى تايمنىڭ اياقتالۋىنا 6 مينۋت قالعان ەركەبۇلان سەيداحمەت شابۋىلشى باۋىرجان تۇرىسبەككە ناتيجەلى پاس اسىرىپ، تۇرىسبەك ۇرىمتال تۇستى ءساتتى پايدالانىپ ەسەپتى 2:0-گە جەتكىزدى. ءبىرىنشى تايم ءدال وسى ەسەپپەن اياقتالدى.

كەزدەسۋدىڭ ەكىنشى بولىگىن قازاقستان قۇراماسى شابۋىلمەن باستاپ، قارسىلاستاردى وزدەرىنىڭ جارتى الاڭىنان شىعارماي، ءبىراز تىقسىرىپ باقتى. شابۋىلدى ءسات سايىن ۇدەتە تۇسكەن وتانداستارىمىز ماتچتىڭ 61-مينۋتىندا دەگەندەرىنە جەتتى. باۋىرجان يسلامحاننىڭ وڭ قاپتالدان اسىرعان پاسىن قايتارامىن دەپ ۇمتىلعان اندوررا قاقپاشىسى جوزە گومەس بايقاۋسىزدا ءوز قاقپاسىنا گول سوعىپ الدى.

وسى گولدان سوڭ اندوررا قۇراماسىنىڭ فۋتبولشىلارى اشۋعا بوي الدىرىپ، ويىن ءتارتىبىن ءجيى بۇزىپ، كەزدەسۋدىڭ بەرەكەسىن قاشىرا باستادى. ۋكراينالىق تورەشى پيرەنەي تۇبەگىنەن كەلگەن فۋتبولشىلاردىڭ سابىرعا شاقىرعانىمەن، اندوررالىقتار ەموتسيالارىن ساقتاي الماي، اقىر سوڭىندا قىزىل قاعاز الىپ تىندى. ماتچتىڭ 65-مينۋتىندا جوردي الاەس ويىنداعى ەكىنشى سارى قاعازىن الىپ، ماتچتان  قۋىلدى. وسى جاعداي ءۇشىن الاڭ جيەگىندە تۇرعان ەكى قۇرامانىڭ باپكەرلەر قۇرامى دا ءبىراز سوزگە كەلىپ قالدى.

سان باسىمدىعىنا يە بولعان قازاقستان قۇراماسىنىڭ شابۋىلى ودان سايىن ۇدەي ءتۇتى. ويىننىڭ 70-مينۋتىندا الاڭعا شىققان رومان مۋرتازاەۆ 74-مينۋتتا ماتچتاعى ءتورتىنشى گولدى سوقتى. كەزدەسۋ اياقتالعانعا دەيىن وتانداستارىمىزدا 1-2 گول سوعاتىن تاماشا مۇمكىندىكتەر بولعان، الايدا شابۋىلدىڭ نۇكتەسىن قوياتىن فۋتبولشى تابىلمادى.

وسىلايشا، قازاقستان قۇراماسى ۇلتتار ليگاسىنداعى العاشقى ءارى ءىرى جەڭىسىنە قول جەتكىزدى. ءبىر وكىنىشتىسى، ءبىزدىڭ توپتاعى ەكىنشى ويىندا گرۋزيا سىرت الاڭدا لاتۆيا قۇراماسىن 3:0 ەسەبىمەن جەڭىپ، رەسمي تۇردە توپتاعى ءبىرىنشى ورنىن بەكىتىپ قويدى. ەندى وتانداستارىمىز ەكىنشى ورىن ءۇشىن كۇرەسەتىن بولادى. قازاقستان قۇراماسى كەلەسى كەزدەسۋىن 15 قاراشادا «استانا ارەنادا» لاتۆيانى قابىلداسا،  19 قاراشادا سىرت الاڭدا گرۋزيا قۇراماسىمەن وتكىزەدى.

ءالي بيتورە،

«ەگەمەن قازاقستان»

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار