ء«بارى دە حالىقتىڭ قالاۋىنا بايلانىستى. ەگەر ولار ءبىزدىڭ تاعى ءبىر مارتە جۇدىرىقتاسقانىمىزدى قالسا, شارشى الاڭعا قايتا شىعۋعا دايىنمىن. ەستەرىڭىزدە بولسىن, مەن وسى كۇنگە دەيىن ەشۋاقىتتا, ەشكىممەن جەكپە-جەككە شىعۋدان باس تارتقان ەمەسپىن. قازىرگى ۇستانىمىم دا سونداي. جانكۇيەرلەر GGG مەن «كانەلو» اراسىنداعى ايقاستى تاعى دا تاماشالاۋعا قۇلشىنىس تانىتاتىن بولسا, كوپشىلىكتىڭ بۇل ءوتىنىشىن ورىنداۋعا مەن ءازىرمىن», دەيدى ساۋل الۆارەس.
سونىمەن قاتار, مەكسيكا بوكسشىسىنا «داڭقتى فلويد مەيۆەزەرمەن قايتا كەزدەسۋگە قالايسىز؟» دەگەن دە ساۋال قويىلدى. بۇل سۇراققا ول «مەيۆەزەرگە ۇتىلعان كەزدە مەنىڭ تاجىريبەم ازداۋ بولدى. ونى مويىندايمىن. ۋاقىت وزا تالاي مىقتىمەن ايقاسىپ, ابدەن تولىستىم. قازىرگى جاعداي باسقا. ەندى اقش بوكسشىسى تاۋەكەلگە بارىپ, مەنىمەن جەكپە-جەككە شىعا قويماس. ال ەگەر فلويد ىنتا تانىتاتىن بولسا, مەن قۋانا-قۋانى كەلىسەمىن», دەپ جاۋاپ قايىردى.
ەستەرىڭىزگە سالا كەتەيىك, قوس بوكسشى اراسىنداعى باسەكە وسىدان بەس جىل بۇرىن لاس-ۆەگاستا وتكەن بولاتىن. سول جەكپە-جەك ۇپاي سانىمەن فلويد مەيۆەزەردىڭ پايداسىنا شەشىلدى. بۇل – ساۋل الۆارەستىڭ كاسىپقوي رينگتەگى العاشقى جانە ازىرگە جالعىز جەڭىلىسى!
عالىم سۇلەيمەن,
«ەگەمەن قازاقستان»
