مەرەيتوي اياسىندا قۇرىق اۋىلىندا ەكى جاڭا نىسان ىسكە قوسىلدى. ءبىرى − ەكى اۋىسىمدا جۇزدەي بالانى جاتتىقتىرۋعا ارنالعان زاماناۋي ۇلگىدە جاساقتالعان جاڭا سپورتزال بولسا, ەكىنشىسى - گەولوگ-بارلاۋشىلار مۇراجايى. مۇراجايعا العاشقى مۇناي-گاز شارۋاشىلىعىندا قولدانىلعان بۇيىمدار, سول كەزدىڭ تاريحىنان سىر شەرتەتىن ەكسپوزيتسيالار, قۇجاتتار جانە ەسكى سۋرەتتەر قويىلعان.
− بۇل مۇراجاي كوپتەن كۇتىلگەن ەدى. ويتكەنى مۇناي-گاز بارلاۋ ءىسى وسى قاراقيا تۇبەگىنەن باستاۋ العان جانە بۇل ارداگەر بارلاۋشى, گەولوگتار كوپ شىققان ءوڭىر.وسى ماسەلە بۇگىن شەشىمىن تاپقانى ءۇشىن, قاراقيا اۋدانىنىڭ قۇرمەتتى ازاماتى تۇرسىنعالي كوشەن ۇلىنا جانە اۋدان باسشىلىعىنا, ماڭعىستاۋ مۇناي-گاز باسقارماسىنا العىس بىلدىرەمىز. مۇراجاي بولاشاقتا زور دەڭگەيگە جەتەدى دەپ كۇتىلۋدە. ماڭعىستاۋ وبلىستىق مۇراجايداعى گەولوگ-بارلاۋشىلارعا قاتىستى قۇجاتتاردان دا كەمتىگى تۇگەندەلىپ, وسى ەل ازاماتتارىنىڭ ارمانى ورىندالاتىنىنا ءبىز سەنىمدىمىز, دەدى ماڭعىستاۋ وبلىستىق مادەنيەت باسقارماسىنىڭ باسشىسى پ.سارمۋرزينا
سالتاناتتى شارادا ەڭبەگى سىڭگەن ازاماتتار «قاراقيا اۋدانىنا 45 جىل» مەرەكەلىك توسبەلگىسىمەن ماراپاتتالىپ, گالا كونتسەرتكە ۇلاستى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
