بايقاۋ شارتىنىڭ باستى ەرەكشەلىگى – ۇمىتكەردىڭ جاس مولشەرىنە, كاسىبي بىلىمىنە, ماماندىعىنا شەكتەۋ قويىلمايدى.
ەكى كۇنگە سوزىلاتىن ونەر سايىسىنا قاراعاندى, اقتوبە, اتىراۋ, قىزىلوردا, شىعىس قازاقستان, ماڭعىستاۋ, باتىس قازاقستان وبلىستارىنان جانە استانا, الماتى قالالارىنان بارلىعى 23 ۇمىتكەر قاتىسادى.
روزا ايدارباەۆانىڭ ءوزى باسشىلىق ەتەتىن قازىلار القاسىنىڭ قۇرامىندا قازاقستاننىڭ ەڭبەك سىڭىرگەن قايراتكەرى, قۇرمانعازى اتىنداعى قازاق ۇلتتىق كونسەرۆاتورياسىنىڭ پروفەسسورى كاريما ساحارباەۆا, قر مادەنيەت قايراتكەرى, قازاق ۇلتتىق ونەر ۋنيۆەرسيتەتىنىڭ وقىتۋشىسى كۇلپەريزات ۇلتاراقوۆا, قازاقستاننىڭ ەڭبەك سىڭىرگەن قايراتكەرى, ابىل تاراق ۇلى اتىنداعى ۇلت اسپاپتار وركەسترىنىڭ كوركەمدىك جەتەكشىسى جانە باس ديريجەرى راحات مادىرەەۆ, مەملەكەتتىك «سەرپەر» جاستار سىيلىعىنىڭ يەگەرى, قر تۇڭعىش پرەزيدەنتى–ەلباسى قورىنىڭ لاۋرەاتى, قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترىنىڭ باس ديريجەرى ابىلاي تىلەپبەرگەنوۆ جانە ابىل تاراق ۇلى اتىنداعى ۇلت اسپاپتار وركەسترىنىڭ ءارتىسى عاليا قوجابەرگەنوۆا بار.
جۇلدەگەرلەر باعالى سىيلىقتارمەن ماراپاتتالماق.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
