سوندىقتان وسىنداي اۋقىمدى شارا ۇيىمداستىرعان پرەزيدەنت نۇرسۇلتان نازارباەۆقا العىس ايتامىن. الەمدىك جانە ءداستۇرلى دىندەر كوشباسشىلارىنىڭ پىكىرلەسۋىنە مۇمكىندىك جاساۋ – بەيبىتشىلىك تۋرالى قۇر سوزدەن ناقتى ىسكە كوشۋگە شاقىرۋدىڭ شىنايى كورىنىسى.
ەكسترەميستىك پيعىلداعى ادامداردى قاتارعا قوسۋ وڭاي شارۋا ەمەس. ولاردى تۇزەتۋ جۇمىستارى جىلدارعا سوزىلادى. مەنىڭ ويىمشا, زورلىق-زومبىلىقتىڭ بەتىن سەنىم تاجىريبەسىمەن قايتارۋعا مۇمكىندىك بار. ول ءۇشىن ادامداردىڭ جۇرەگىنە يمان ۇيالاتۋ كەرەك. بۇل تۋرالى XV عاسىردىڭ وزىندە كرەست جورىقتارىنا قارسى شىققان كاردينال نيكولاي كۋزانسكي دە ايتىپ كەتكەن. ونىڭ سەنىم مەن بەيبىتشىلىك تۋرالى تراكتاتى الەمگە دەگەن سۇيىسپەنشىلىككە تولى, وزگە دىندەردىڭ وكىلدەرىنە اشىقتىعى تامساندىرادى.
وسى كونفەرەنتسياعا جينالعانداردىڭ ءبارى الەمدە بەيبىتشىلىك پەن قاۋىپسىزدىك ورناعانىن قالايتىن ءدىني باسشىلار. ولار ساياساتكەرلەرمەن ءبىر قاتاردا ادامزاتتىڭ ىزگى ماقساتى ءۇشىن جۇمىس ىستەۋى كەرەك.
الەمدەگى دىندەر اراسىندا ىنتىماقتاستىق پەن ارىپتەستىك ورناتۋ ءۇشىن بارشا مۇمكىندىكتەر قاراستىرىلعان. شارتاراپتىڭ قاي بۇرىشىندا بولسىن, كەز كەلگەن ءدىن بەيبىتشىلىككە شاقىرادى.
قۇراننىڭ اياتتارىندا دا بۇل تۋرالى ايتىلعان. بەيبىت ومىرگە بىرگە قادام باسىپ, ونى تاراتۋ قاجەتتىگىنە باسا نازار اۋدارىلادى. بۇل اللانىڭ مۇسىلماندارعا عانا ەمەس, بارشا ادامزاتقا قاراتا ايتقان ءسوزى.
شەيح راۆيل گاينۋتدين,
رەسەي مۇفتيلەر كەڭەسىنىڭ توراعاسى
